Sodina
Ny sodina dia zavamaneno tsofina amin' ny vava, toy ny fantsona mahitsy, misy lavaka milahatra manaraka ny halavany izay tampenana manontolo amin' ny rantsan-tanana afa-tsy ny iray izay avela hivoha mba hivoahan' ny haavom-peo tiana ho heno. Amin' ny teny indôneziana dia atao hoe suling ny sodina fa amin' ny teny soahily kosa dia zumari (izay niavian' ny teny malagasy hoe anjomara).