Poaceae

Ny Poaceae na Gramineae dia fianakavian-javamaniry izay ahitana karazany miisa 12 000 izay mitsinjara amin' ny vondron-karazana miisa 780. Izy io, raha ny isan' ny karazana ao aminy no jerena, dia fianakaviana fahadimy amin' ny zavamaniry mamony, aorian' ny Asteraceae, ny Orchidaceae, ny Fabaceae ary ny Rubiaceae.

Maro aminy no karazana bozaka sy voamadinika. Mety manana tsiraka mafy toy ny volo (anisan' izany ny volotsangana). Ahitana Poaceae betsaka (mihoatra ny 40 % amin' ny velaran' ny Tany, afa-tsy any Grinlandy sy any Antarktika) ny eny amin' ny kijana sy ny hivoka. Fahita koa amin' ny toerana sasany toy ny faritra mando sy ny faritra misy ala ary ny faritry ny tondrà ny Poaceae. Anisan' ny Poaceae ny zavamaniry fihinam-boa na fihinam-batana toy ny vary, ny varimbazaha, ny katsaka, ny ôrza, ny ampembambazaha, ny fary. Anisany koa ny volotsangana isan-karazany sy ny bararata. Anisan' ny Poaceae koa ny ahi-dratsy maro manimba ny fambolena toy ireo ao amin' ny karazany dimy, dia ny Cynodon dactylon, ny Echinochloa colona, ny Eleusine indica, ny Sorghum halepense, ary ny Imperata cylindrica.

Zana-pianakaviana

Ireto ny zana-pianakaviana ao amin' ny Poaceae araka an' i Soreng et al., 2015:

Anomochlooideae Pilg. ex Potztal,
Aristidoideae Caro
Arundinoideae Dumortier
Bambusoideae Luerss.
Chloridoideae Kunth ex Beilschm.
Danthonioideae H.P. Linder & N.P. Barker
Micrairoideae Pilg.
Oryzoideae Kunth ex Beilschm. na Ehrhartoideae Jacq.-Fél. ex Caro
Panicoideae Link
Pharoideae L.G.Clark & Judz.
Pooideae Benth.
Puelioideae L.G.Clark, M.Kobay., S.Mathews, Spangler & E.A.Kellogg

Jereo koa

Karazana sasany ao amin' ny Poaceae