Milionera
Ny milionera dia izay olona manana sanda afa-karatsaka (vola, trano, orinasa, petrabola, sns) na ventim-bola antapitrisany farafakeliny, matetika dolara amerikana na euro. Mety koa hoe manana kaontim-bola na tahirim-bola antapitrisany any amin’ny banky ity olona ity. Araka ny vetim-bola, mitondra voninahitra na haja ny maha-milionera, ary ny tanjon’ny olona sasantsasany dia ny ho lasa milionera, izay tanjona tsy hotratran’ny hafa.[1] Ankehitriny, mitombo ny isan’ny milionera satria mandroso ny toe-karena ankapobe sy nitombo ny harin-karena. Ny fahefa-mividin’ny iray tapitrisa dolara amerikana tamin’ny taona 1959 dia mitovy amin’ny 7,3 tapitrisa tamin’ny taona 2009.[2] Tsy izay ihany, ny teny milionera manoritra hoe ny fananam-bola be. Leonard Beeghley, izay sosiology amerikana, dia mamaritra ireo tokantrano manana sanda afa-karatsaka mihoatra ny iray tapitrisa dolara ireo hoe “mpanankarena”. Tamin’ny taona 2008, nisy olona 10 tapitrisa avy amin’izao tontolo izao voasokajy hoe milionera amin’ny dolara amerikana.[3]
Ny sanda afa-karatsaka mihoatra ny hary ara-bola
[hanova | hanova ny fango]Ankehitriny, miteraka ady hevitra kely ny fomba famaritan’ny olona ny milionera. Isan’ny iray amin’ireo fepetra roa tena ampiasaina ireo ny sanda afa-karatsaka, izay manisa ny hary rehetra ao amina tokantrano iray ka analanan’ny trosany. Araka ity famaritana ity, izay tokantrano manana trano amin’ny sandany $800.000, fanaka misanda $50.000, fiara anakiroa amin’ny $60.000, kaonty tahiry $60.000, petrabola $45.000, trano fialan-tsasatra $325.000, ary manana findramam-bola ho an’ny trano $250.000, findramam-bola ho an’ny fiara $45.000, sy trosa amin’ny karatra lono $25.000, dia manana sanda afa-karatsaka manodidina ny $1.085.000 ary ny olona tsirairay ao amin’io tokantrano io dia milionera. Kanefa, araky ny fepetra amin’ny hary ara-bola (ampiasain’ny banky arabarotra amin’ny fitsikerana ny tahan’ny risika raisin’ny mpanao petrabola) dia tsy manisa ny sandan’ny trano sy ny hary ao an-trano, ohatra fiarakodia sy fanaka. Noho izany, ny tokantrano tao amin’ny ohatra eto ambony dia manana hary ara-bola $80.000. Hatramin’ny kibolabola ara-trano tamin’ny taona 2007, ny vidin’ny trano tamin’ny faritra sasantsasany tao Etazonia dia nihoatra ny iray tapitrisa dolara, kanefa maromaro ny tompon-trano nanana findramam-bola ho an’ny trano nihoatra ny iray tapitrisa dolara ihany koa, ary ny vokatra izany dia tsy mihoatra ny iray tapitrisa mihitsy ny sanda afa-karatsaky ny olona. Indraindray, mantsy miiba ny sanda afa-karatsakany.
Fironana
[hanova | hanova ny fango]Na dia kely aza ny isanjaton’ny mponina rehetra izay milionera, kanefa manana fifehezana manan-danja ara-toe-karena ary matetika anisan’ireny ny olo-manga sy olona manan-kasina. Eo ihany koa, ny sandan’ny milionera mitambatra dia mitovy amin’ny sandan’ny mahantra maro be mitambatra. Ny anon’i Gini, sy fepetra ara-toe-karena hafa, dia vinavinaina ho an’ny firenena tsirairay ary ampiasaina mba hahalalana hoe firy amin’ny olona mahantra indrindra no manana harena totaly mitovy amin’ny olona vitsy manan-karena indrindra. Manampahaizana momba ny olona manan-karena ny tranom-printy Forbes sy Fortune ary mitazona ny lisitry ny olona manam-bola be indrindra amin’izao tontolo izao. Amin’ny milionera, 16 isan-100 nandova ny volany, 47 isan-100 dia tompona orinasa, ary 23 isan-100 dia mpiasa mahazo karama ambony, indrindraindrindra mpitantana sy mpiasa avo lenta.[4]
Isan’ny milionera amin’izao tontolo izao
[hanova | hanova ny fango]Isan’ny milionera (eo amin’ny ankavia, isa antapitrisany) sy milionera be (miohatra $30 tapitrisa dolara) (eo amin’ny ankavanana, isa anarivony) Ny « Dinika momban’ny Harenan’Izao Tontolo Izao » dia famelabelarana mikasika ny olona manana sanda afa-karatsaka (afy tsy ny trano fonenany) mihoatra ny iray tapitrisa dolara. Nataon’ny cabinetra mpikaroka Capgemini ity dinika ity ho an’ny banky Merrill Lynch. Araky ny « Dinika momban’ny Harenan’Izao Tontolo Izao » tamin’ny taona 2007, ny edisiona faha-11 dia misy milionera 9,5 tapitrisa ary izy ireo dia manana 37,2 triliona (tapitrisatapitrisa) dolara mitambatra.[5]
Araky ny Spectrum Group ny isan’ny tokantrano amerikana izay manana iray tapitrisa dolara farafakeliny (tsy miaraka amin’ny trano fonenany) tamin’ny taona 2008 izay nitsitotongana dia 2,5 tapitrisa hatramin’ny 6,7 tapitrisa.[6]
Tamin’ny Oktobra 2007 hatramin’ny Febroary 2009 dia notombanana fanakalozana petrabola S&P 500 ary latsaka miohatra 50 isan-jato ny sandany. Avy amin’ny tendrom-bolany tamin’ny jona 2006 hatramin’ny desembra 2010, latasaka 26,7 isan-jato ny sandan’ny trano amerikana. Anisan’ny antony mitombo ankehitriny ny isan’ny milionera ankehitriny amin’izao tontolo izao dia ny hamoran’ny dolara amerikana amin’ny tsena iraisam-pirenena. Lisitry ny firenena misy ireo olona izay manana sanda afa-karatsaka miohatra ny iray tapitrisa dolara amerikana (taona 2009)
| Olona izay manana sanda afa-karatsaka miohatra $1 tapitrisa, taona 2009)[7] | ||
|---|---|---|
| Laharana | Firenena | Isan'ny milionera |
| - | Izao Tontolo Izao | 10,000,000 |
| 1 |  Etazonia |
2,886,200 |
| 2 |  Japana |
1,650,000 |
| 3 |  Alemaina |
861,500 |
| 4 |  Sina |
477,400 |
| 5 | .svg){kind=small} Fanjakana Mitambatra |
383,000 |
| 6 |  Frantsa |
280,000 |
| 7 |  Kanada |
251,300 |
| 8 |  Soisa |
222,000 |
| 9 |  Italia |
179,000 |
| 10 |  Aostralia |
173,600 |
| 11 |  Brazila |
146,700 |
| 12 |  Espaina |
143,000 |
| 13 |  India |
139,835 |
| 14 |  Rosia |
117,700 |
| 15 |  Meksika |
70,000 |
| 16 |  Norvezy |
54,810 |
Jereo koa
[hanova | hanova ny fango]Tsiahy
[hanova | hanova ny fango]- ↑ Marlys Harris. How to marry a billionaire. Money Magazine. June 21, 2007.
- ↑ US Inflation Calculator US Inflation Calculator and Rate Charts (1913-current).
- ↑ David Teather. Richlists. The Guardian. 25 June 2008.
- ↑ The Economist: A special report on global leaders, "More millionaires than Australians", 22 January 2011, pp. 4-7.
- ↑ "World Wealth Report 2007 Archived Desambra 7, 2009 at the Wayback Machine."
- ↑ "[1]."
- ↑ "World Wealth Report 2010 Archived Aprily 6, 2012 at the Wayback Machine."