Mari-piatoana
Ny mari-piatoana dia maritsoratra ankoatra ny litera sy ny marika, ampiasaina rehefa manoratra. Tsy vakiana toy ny teny tsotra ny mari-piatoana rehetra mamaky teny, fa manova kosa ny firindran'ny feo ary mahasolo teny na andian-teny indraindray.
Mari-piatoana amin'ny teny Malagasy :
Ireo mari-piatoana
Baraingo (?)
Ny baraingo dia mari-piatoana hamaranana fehezanteny manontany na fanontaniana.
Faingo (,)
Mitanisa Ampiasaina rehetra mitanisa zavatra mihoatra ny telo.
Ohatra : Tsy nanoratra teto aho tamin'ny Talata, Alarobia ary Zoma.
Raha roa fotsiny ny zavatra tanisaina dia sy no ihany ampiasaina.
Ohatra : Tsy nanoratra teto aho tamin'ny Talata sy Alarobia. fa tsy Tsy nanoratra teto aho tamin'ny Talata, Alarobia.
Manakambana Ampiasaina koa ny faingo (,) hampifandraisana ny fehezan-teny fototra iray sarahin'ny fameno.
Ohatra : Rahampitso aho, raha afaka, hanoratra eto indray.
Faingo mihantona (')
Ampiasaina ity maritsoratra ity rehefa manakambana teny ka misy zana-tsoratra alatsaka.
Ohatra : Tolaka + andro lasa Tolak'andro.
Teboka (.)
Ny teboka dia maritsoratra hamaranana fehezanteny. Tsy asiana teboka intsony rehetra misy baraingo na tsoraka na teboka telo. Rehefa mamaky teny dia mijanona lava kokoa rehefa misy teboka noho ny mari-piatoana hafa.
Teboka amam-paingo (;)
Teboka roa :)
Ampiasaina ny teboka roa rehefa hanomboka fitanisana na hamerina tenin'olona (Tonon-tsiahy).
Teboka telo (...)
Mamarana fitaniasana. Mahasolo ny andian-teny Sy ny sisa ny teboka telo.
Tsoraka (!)
Ny tsoraka no asolo ny teboka rehefa mampiasa fehezan-teny mibaiko, (Ohatra : Mandehana !) na milaza hetsi-po sy fahatairana.
Fononteny (())
Farango sosona (" ")
Ny fanoratana
| Mari-piatoana | Asiana malalaka eo aloha | Asiana malalaka ao aoriana |
|---|---|---|
| Baraingo | Eny | Eny |
| Faingo | Tsia | Eny |
| Faingo Mihantona | Tsia | Eny |
| Teboka | Tsia | Eny |
| Teboka amam-Paingo | Eny | Eny |
| Teboka Roa | Eny | Eny |
| Teboka Telo | Eny | Eny |