Hevitra efatry ny Soratra Masina
Ny hevitra efatry ny Soratra Masina dia fomba fandikana hevitra izay manavaka karazana na ambaratongam-bakiteny efatra ao amin' ny Baiboly. Io foto-kevitra misy hevitra efatra io, izay teraka tao anatin' ny jodaisma, dia noraisin' ny kristianisma hatramin' ny Rain' ny Fiangonana ary avy eo nivelatra tamin' ny Andro Antenatenany. Lasa tsy nampiasaina intsony amin' ny ampahany io fomba fiasa io amin' ny andro môderina, nefa nifoha indray ny fahalilanana aminy tamin' ny taonjato faha-20.
Ao amin' ny lovam-pampianarana jiosy, ao amin' ny Kabala, io endriky ny hermeneotikan' ny Baiboly io dia manavaka heviny efatra ao amin' ny lahatsoratry ny Baiboly: ara-bakiteny (Pshat), an-kolaka (Remez), hômiletika sy matafôrika (Drash) ary mistika (Sod). Ny lovam-pampianarana kristiana dia mamaritra ireo ambaratonga efatra ireo amin' ireto teny ireto: ara-bakiteny, ara-panoharana (alegôrika), trôpôlôjika (na môraly), ary anagôjika.