Merina

Avy amin'i Wikipedia
Hanketo: Fikarohana, karohy
Ankizy vavy Merina

Ny merina dia foko iray izay hita ao Madagasikara. Raha faritana ara-jeografika ny misy azy ireo dia hita eo amin`ny manodidina ny faritr'analamanga izy ireo.Izany hoe eo ampovoan-tany sy eny amin`ny vohitra avo ao Madagasikara.

Fiaviana sy tantaran'ny Merina[hanova | modifier le wikitexte]

Ny merina dia foko izay miavy avy any asia atsimo atsinanana. Izany hoe raha faritana mazava dia avy any Indonezia. Tamin'ny taon-jato faha valo ka hatramin'ny taon-jato faha-dimy ambin'ny folo tany dia voalazan`ny tantara fa nisy tatsam-bo izay avy any Indonezia tonga nanori-ponenana tao Madagasikara.

Ny merina moa dia foko izay miray sosona amin'ny foko Malay (malais). Ny tiana ambara amin'izany foko Malay izany dia ny hoe fitoviam-pokon'ireny merina amin'ny mponina ao Malaysie, Indonezia, Filipina, Polynezia, ary ny faritra atsimon'i Tailanda. Ny endrika hananan'ny Merina koa dia manamarina izany fiaviany avy any Asia izany. Eo koa anefa ireo fomba amam-panao izay tena hitovizan'ny Merina amin'ireo razam-beny avy any Indonezia; ohatra amin'izany ny "Famadihana" izay fomban'ireo Indoneziana avy any amin'ny faritr'i Sulawesi ao Indonezia. Ary ny fisian'ny vary eto Madagasikara dia anisan'ny porifo lehibe tokoa fa manana razam-be aziatika ny Merina, satria ny vary dia foto-tsakafon'ny Indoneziana ary koa ny Merina ao Madagasikara.

Ny teny malagasy sy ny merina[hanova | modifier le wikitexte]

Ny teny malagasy ofisialy dia voafaritra ho tafiditra ao anatin'ny fiteny Malayo-Polynesziana. Izany hoe manana fototra avy any amin'ny teny Malay vondrona "austronesien". Ny teny izay ampiasaina ao Malaysie, Indonezia, Filipina dia teny Malay koa izay mitovy endrika amin'ny teny gasy. Izany ary dia voaporofo tokoa satria misy teny mitovy amin'ny teny malagasy sy teny indoneziana, filipiana, ary Malaiziana. Ohatra amin' izany ny teny malagasy hoe "mora" izay hita koa ao amin`ny teny indoneziana "murah" izay mitovy dika hoe tsy lafo. Ohatra azo raisina koa ny teny hoe "laoka", izany hoe laoka amin'ny teny gasy ary "lauk" amin'ny teny Malaiziana. Izany fotovian'ny teny izany dia tena tsapa tokoa na eo amin'ny feo na eo amin' ny fomba fanoratana.

Ny ho avin'ny foko merina[hanova | modifier le wikitexte]

Amin'izao fotoana izao dia anisany zavatra mampihoroho tokoa ny faharingan'ny foko Merina, izany hoe lany tamingany ny foko. Izany zava-misy izany moa dia manana antony samihafa eo aloha ny tsy fahafantaran'ny olona fa ilaina izany fitahirizana ny fokony izany sy ny kolon-tsaina hanan'ny foko tsirairay. Ny foko izay misy ny tena dia mety ho lasa kara-panondron'ny tena satria zavatra manavaka ny tena amin'ny hafa. Ary ny olana hafa dia ny fahaverezan'ny rehareha amin'io foko, ka lasa manary ny fokon'ny tena dia mankany amin'ny foko hafa na amin'ny fanambadiana na ny kolon-tsaina.

Ka ny vaha-olana dia ny hoe tiavo ny anao fa rehareha lehibe tokoa izany maha-merina, tandrovy tsy ho ringana ny taranany ary ny maha-tokana azy.

Jereo koa[hanova | modifier le wikitexte]