Tongolobe
Ny tongolobe na tongolo dia karazana zavamaniry misy voniny, maharitra roa taona na mandavan-taona, ao amin' ny fianakaviana Amaryllidaceae (fanasokajiana APG III tamin' ny taona 2009) na Liliaceae (fanasokajiana taloha). Allium cepa ny anarany ara-tsiansa. Efa hatry ny ela izy io no nambolena be dia be hatao anana noho ny vodiny manana tsiro sy fofona mahery na noho ny raviny. Io no legioma tena be mpampiasa indrindra amin' ny sokajy Allium. Fitambaran' ny foto-dravina matevina mifanarona ny vody tongolo.
Ny ao amin' io vondron-karazana Allium io dia ahitana karazana maniry hoazy (dia) maromaro hafa antsoina hoe tongolo ary ambolena hatao sakafo, toy ny Allium fistulosum sy ny Allium × proliferum, ary ny Allium canadense. Ampiasaina hanondroana karazana Allium maromaro ny anarana hoe tongolodia, fa ny Allium cepa dia fantatra amin' ny fambolena azy. Tsy fantatra ny endriky ny razambeny tany am-boalohany, na dia efa nisy aza ny faniriany ivelan' ny fambolena any amin' ny faritra sasany. Na maniry roa taona na mandavan-taona aza ny tongolobe matetika, dia matetika no raisina ho maniry isan-taona ary jinjaina amin' ny vanim-potoanan' ny fambolena voalohany.