Sakaibe
.jpg)
Ny sakaibe dia ovan-karazana sakay maniry isan-taona avy any Amerika Atsimo, tsy mafana loatra, izay misy voany tena lehibe miloko maitso na mavo na mena arakaraka ny fahamasahany, atao legioma. Endriky ny Capsicum annuum izay tsy tena mafana ny sakaibe fa tsy karazana mahaleo tena. Mety mahatratra iray metatra ny sakaibe maniry. Lehibe sy malemy ny raviny. Kely sy miloko fotsy ny voniny. Misy otrikaina C ny voany. Any amin' ny faritra manana toetany antonony mafana no tena anirian' ny sakaibe. Maro zana-karazana ny sakaibe ka miovaova arakaraka izany ny endriky ny voany. Ao amin' ny fianakavian-javamaniry Solanaceae ny sakaibe. Teratany any Meksika sy Amerika Afovoany ary Amerika Atsimo izy io.
Ampiasaina amin' ny fitsaboana
[hanova | hanova ny fango]
Misy loteôlinina sy flavônina izay manetsika ny rafi-pitatitra tafiditra amin' ny fianarana ny sakaibe. Ny sakaibe koa dia manana toetra manohitra ny homamiadana: ny kapsaisinina, izay singa ao amin' ny sakaibe, dia mety hahatonga ny fahafatesan' ny selam-pivontosana. Mitovitovy amin' ny kapsinôida hita ao amin' ny sakay ny kapsiata ary mitovy fiantraikany. Izy io koa dia be vitamina C, izay voasintona voalohany tamin' ny taona 1933 avy tamin' ny sakaibe sy ny paprika nataon' ilay mpahay siansa hongroà Albert Szent-Györgyi (Loka Nobel amin' ny Fiziôlôjia na amin' ny Fitsaboana tamin' ny taona 1937, indrindra fa noho ny fahitana ny vitaminina C sy ny flavônôida).