Anana

Avy amin'i Wikipedia
Aller à la navigation Aller à la recherche
Petsay

Ny anana dia zavamaniry fihinan-dravina, matetika hanina manta, atao salady, ampiarahina amin' ny zava-manitra hafa hanatsarana ny tsirony sy ny fofony.

Ambany ny kalôria sy ny matavy ao amin' ny anana, nefa be prôteinina isaky ny kalôria izy, be tsiraka sakafo, be vy sy kalsiôma, ary be otrikaina C, karôtenôida, loteinina, asidra fôlika ary koa otrikaina K. Ny epinara, ohatra amin' ny anana, dia ambany kalôria sy tavy isaky ny kalôria, ary be tsiraka sakafo, otrikaina C, otrikaina A karôtenôida, manganezy ary otrikaina K.

Ny anana dia misy karazan-javamaniry maro, saingy satria izy ireo dia fôtôsintetika, dia misongadina manokana ny haavon' ny otrikaina K. Ny otrikaina K ao amin' ny anana no be indrindra. Noho izany, ny mpampiasa ny fanafody misy otrikaina K, dia tsy maintsy mitandrina manokana mba hamerana ny fihinanana anana.

Efa ho arivo ny karazan-jamaniry fihinan-dravina fantatra. Ny anana dia matetika avy amin' ny zava-maniry tsy maharitra ela, toy ny salady sy ny epinara. Ny zavamaniry toy ny hazo isan-karazany sasany koa dia manome ravina azo hanina. Ny ravin' ny vilona maro koa dia azon' ny olombelona hanina ihany, ​​saingy matetika amin' ny mosary no ihinanana azy. Ohatra amin' izany ny jirofo, ny varimbazaha sy ny vary ôrza.

Ny fanomanana azy, toy ny fanamainana sy ny fikosohana na fitotoana azy hanjary vovoka na ny fanerena azy hahazoana ny ranony, dia azo ampiasaina mba hahatonga ireo ravina ireo ho azo atao sakafo.

Jereo koa[hanova | hanova ny fango]