Fananana aina (fitsipiteny)

Ny fananana aina, amin' ny fitsipiteny na amin' ny haiteny, dia toetra na marika amin' ny teny izay matetika milaza ny maha manana aina na tsia ny zavatra tondroina aminy ka misy noho izany ny anaran' ny manana aina sy ny anaran' ny tsy manana aina ary ny mariky ny manana aina sy ny mariky ny tsy manana aina.

Anaran' ny manana aina ohatra ny anarana ilazana olona (ohatra: olona, vehivavy, mpampianatra) fa anaran' ny tsy manana aina kosa ny anarana ilazana ireo zavatra tsy manana aina tokoa (ohatra: satroka, rivotra, vato).

Arakaraka ny fiteny no anasokajiana ny anarana iray ho an' ny manana aina na an' ny tsy manana aina fa tsy araka ny fahalalana siantifika na ny fahalam-bahoaka azy. Amin' ny fiteny ahitana fampiasana ny mariky ny fananana aina dia mety mandray izany marika izany ny mpamari-toetra sy ny sokajin-teny hafa toy ny mpisolo tena, ny mpamaritra tompon-javatra, ny mpisolo tompon-javatra, sns.