Ignace de Loyola

Ignace de Loyola
Ankapobeny
Anarana	Ignace de Loyola
Teraka	24 Desambra 1491
Toerana	-
Maty	10 Aogositra 1556
Fiaviana sy ny andraikitra
Firenena	Espaina
Asa :	Tsy fantatra
Fiainana manokana

I Ignace de Loyola dia pretra sy teôlôjiana baska-espaniôla. Izy dia anisan' ny mpanorina ny Fikambanan' i Jesoa — atao amin' ny teny latina hoe Societas Jesu sady hafohezina amin' ny litera roa "SJ" — fikambanana (kôngregasiôna) katôlika izay neken' ny papa Paoly III tamin' ny taona 1540. Ity fikambanana ity dia nanjary zava-dehibe tokoa teo amin' ny famalian' ny ny Eglizy Katôlika ny fihozongozonana nateraky ny Fanavaozana Prôtestanta tamin' ny taonjato faha-16 sy faha-17.

Teraka tamin' ny 24 Desambra 1491 tao Loiola i Ignace de Loyola ary maty tamin' ny 31 Jolay 1556 tao Rôma. Atao hoe Ignazio Loiolakoa izy amin' ny teny baska, fa Íñigo López de Loyola kosa amin' ny teny espaniôla.

I Ignace no nanoratra ny Exercitia Spiritualia ("Fampiasam-panahy"), mpitarika feon' ny fieritreretana izy. Ny fiainana ara-panahy ignasiana dia anisan' ny loharanon' ny fandinihan-tena ara-pivavahana sy loharanon' ny fanavahana ara-piantsoana ao amin' ny katôlisisma.

Izy no mpitarika ny Zezoita sady mpanohana mafana fo ny Fanavaozana Tridentina, antsoina koa hoe Fanoheram-Panavaozana. Nitarika ny fikambanany ho amin’ ny asa misiônera izy, indrindra fa tany amin' ny faritra maro atao hoe India Atsinanana sy taty Afrika ary tany amin' ny zanatany espaniôla any Amerika Atsimo.

Nambaran' ny papa Gregôrio XV ho olo-masina tamin' ny 12 Marsa 1622 i Ignace de Loyola izay ankalazaina ara-litorjia isaky ny 31 Jolay.

Jereo koa

• Biôgrafia
• François Xavier

• Pierre Favre

Rohy ivelany

• Ao amin'i Freebase: [1]