Epistily voalohany ho an'i Timoty

Avy amin'i Wikipedia
Sauter à la navigation Sauter à la recherche

Ny Epistily voalohany ho an'i Timoty na Epistola voalohany nosoratan'i Masindahy Paoly ho an'i Timôte na Taratasy voalohany nosoratan'i Masindahy Paoly ho an'i Timôte dia boky ao amin'ny Baiboly ao amin'ny Testamenta Vaovao izay isan'ireo atao hoe epistily. Ato amin’ity taratasy ity no anantitranteran’i Paoly ny amin’ny famojena azo avy amin’ny finoana an’i Jesosy Kristy. Ampianariny ny fitodran-tena anjakan’ny fanaovana asa tsara. Ambarany koa fa tokony ho olona mendrika halain-tahaka ny mpitandrina sy ny loholona misahana andraikitra ary ny diakona. Tian’i Paoly raha manaraka ny lalana tena izy ny fitantanana ny fiangonana. Noho izany dia tokony tsy avela hanjaka ny fahadisoan’ireo milaza tena ho manam-pahaizana momba ny Lalàna; tokony hosakanana koa ny fianteherana amin’ny angano (na fedrà) sy amin’ny tetiarana namboamboarina ary amin’ny fadifady ara-tsakafo isan-karazany.

Ity epistily ity dia ahafahana mamantatra bebe kokoa ny tokony ho rafitry ny fiangonana kristiana isan-toerana: ahitana mpitarika ao am-piangonana ary misy fepetra fanendrena sy sata mifehy azy ireo. Mibahana ao ny fampianarana satria ilaina ny maneho ny fahamarinana mba hiadiana amin’ny fampianaran-diso izay miely izaitsizy.

Naman'ireo atao hoe Epistily Pastoraly nosoratan'i Paoly io epistily io. Taratasy voalohany nosoratan'i Paoly ho an'i Timoty (na Timôte) izany, dia i Timoty izay sady mpianany no mpiara-dia aminy. Tokony ho teo anelanelan'ny taona 61 sy 65 no nanoratana azy.

Ny anaran'ny boky[hanova | hanova ny fango]

Πρώτη Επιστολή προς Τιμόθεο / Prôtê Epistolê pros Timotheo no fiantsoana azy amin'ny teny grika fa Epistula I ad Timotheum kosa amin'ny teny latina.

Fizaràn'ny taratasy[hanova | hanova ny fango]

Teny fiarahabana (1.1-2)[hanova | hanova ny fango]

Fisakanana ny fampianaran-diso (1.3-20)[hanova | hanova ny fango]

  • Fampitandremana amin’ny fampianaran-diso (1.3-11)
  • Ny amin’ny fahasoavana (3.12-17)
  • Ny andraikitr’I Timoty (3.16-20)

Fanarenana ny Fiangonana (2.1 – 6.10)[hanova | hanova ny fango]

  • Ny amin’ny vavaka (2.1-7)
  • Ny amin’ny anjara asan’ny lehilahy sy ny vehivavy (2.8-15)

Fiandrasana ny ondry (3.1 – 6.10)[hanova | hanova ny fango]

  • Ny amin’ny fahaiza-mitarika ao amin’ny Fiangonana (3.1-13)
  • Tokony harovana ny fahamarinana ao amin’ny Fiangonana (4.1-16)
  • Ny fomba fitondrana ireo sokajin’olona ao amin’ny Finangonana (5.1- 6.10)

Toromarika manokana ho an’i Timoty (6: 3-21)[hanova | hanova ny fango]

  • Ny amin’ny fampianaran-diso (6.3-10)
  • Miady ny ady tsaran’ny finoana (6.11-16)
  • Teny ho an’ny mpana-karena (6.17-19)
  • Fitandremana izay nankinina amin’ny tena (6.20-21)

Jereo koa[hanova | hanova ny fango]

Epistilin'i Paoly: