Bokin' i Ezekiela

Avy amin'i Wikipedia
(tonga teto avy amin'ny Bokin'i Ezekiela)
Aller à la navigation Aller à la recherche
Ny fahitan'ny mpaminany Ezekiela, Gustave Doré, taona 1883.
Ny Lohasahan'ny taolana maina, nataon'i Quentin Metsys the Younger, taona 1589.

Ny Bokin' i Ezekiela dia boky ao amin' ny Tanakh (Baiboly hebreo) sy ny Testamenta Taloha ao amin' ny Baiboly kristiana. Milaza fitsarana sy fandrahonana ny Israelita ny faminaniana raha mbola tsy rava ny Fanjakan' i Jodà, fa faminaniana ny fanamelohana ireo firenena mpampahory ny vahoakan' Andriamanitra sy fanantenana ny hiverenan' ny voninahitr' i Israely kosa no votoatin' ny faminanianana nandritra ny Fahababoana tany Babilôna. Ho tsaraina amin' ny asa nataony avy ny olombelona tsirairay sady hisy ny fitsanganan' ny maty ho velona. Haorina fanindroany ny Tempoly. Izany dia fahitana apôkaliptika.

Isan' ny atao hoe Mpaminany lehibe ao amin' ny sokajin' ny Bokin' ny mpaminany ao amin' ny Baiboly ny Bokin' i Ezekiela, fa isan' ireo atao hoe Nevi'im aharonim ("Mpaminany taoriana") izy ao amin' ny fizaràna faharoan' ny Tanakh (Baiboly hebreo) atao hoe Nevi'im.

Ny fanoratana ny boky[hanova | hanova ny fango]

I Ezekiela[hanova | hanova ny fango]

Mpisorona tao Jerosalema i Ezekiela. Nentina natao sesitany tany Babilônia koa izy niaraka tamin' ireo Jiosy hafa avy any Jodà tamin' ny fotoan' ny Fahababoana, tamin' ny andron' i Dariosy Lehibe mpanjakan' i Persia tany amin' ny taonjato faha-6 tal. J.K.

Ny kisarin'ny Tempoly, nataon'i Charles Chipiez, taonjato faha-19.

Nofidin' Andriamanitra ho mpaminany ho an' ireo babo tany Babilôna sy ireo sisa tavela tao Jerosalema izy. Nanomboka tokony ho tamin' ny taona 597 tal. J.K. nandritra ireo taona faramparan' ny Fanjakan' i Jodà sady nifarana tamin' ny 570 tal. J.K. ny asa faminaniany. Ataon' Andriamanitra hoe "zanak' olona" i Ezekiela.

Ny mpanoratra ny boky[hanova | hanova ny fango]

Ny lovantsofina dia manao an' i Ezekiela ho nanoratra ny Bokin' i Ezekiela. Ny mpikaroka sasany anefa milaza fa tsy olon-tokana no nanoratra io boky io fa olona maro tamin' ny fotoana samihafa. I Pohlmann[1] dia milaza fa ny toko voalohany hatramin' ny faha-33 dia nosoratan' ilay mpaminany fa ny faha-34 hatramin' ny 48 dia soratra fanatevenana taty aoriana natao tao Babilôna[2].

Ny anaran' ilay boky[hanova | hanova ny fango]

Amin'ny teny hebreo dia atao hoe ספר יְחֶזְקֵאל / Sefer Yĕkhezqiēl ny Bokin'i Ezekiela. Ao amin'ny Septoajinta izy dia atao hoe Ἰεζεκιήλ / Iezekiêl.

Ny firafitry ny boky[hanova | hanova ny fango]

Ny fizaràn'ny boky[hanova | hanova ny fango]

Azo zaraina dimy ny Bokin'i Ezekiela :

  • Hitan’i Ezekiela ny voninahitr’Andriamanitra (1 – 3)
  • Manakiana sy mandrahona an’ireo Israelita i Ezekiela (4 – 24)
  • Hotsarain’Andriamanitra ny firenen-kafa nampahory an’i Israely (25 – 33)
  • Fampiononana sy fampanantenana ny vahoakan’Andriamanitra (34 – 39)
  • Ny ho endriky ny Tempoly faharoa sy ny firenen’i Isiraely amin’ny hoavy (40 – 48)

Ireo lohahevi-dehiben’ny boky[hanova | hanova ny fango]

Jereo koa[hanova | hanova ny fango]

Mpaminany lehibe:

Mpaminany madinika

Loharano[hanova | hanova ny fango]

  1. K.-F Pohlmann, Ezechielstudien. Zur Redaktionsgeschichte des Buches und zur Frage nach den ältesten Texten (BZAV 202), Berlin/New-York, 1992.
  2. Introduction à l'Ancien Testament - Textes édités par Thomas Römer, Jean-Daniel Macchi et Christophe Nihan - Éditions du Cerf - (ISBN 2-830-91112-1)