Zizania

Zizania texana

Zizania palustris.

Ny Zizania dia zavamaniry, ahitra, ao amin' ny fianakavian' ny Poaceae, zana-pianakavian' ny Oryzoideae izay fahita any Amerika Avaratra sy any Azia Atsinanana. Misy karazany efatra ity zavamaniry ity, dia ny Zizania palustris (fahita sy avy any Amerika Avaratra), ny Zizania aquatica (fahita sy avy any Amerika Avaratra), ny Zizania texana (fahita sy avy any Amerika Avaratra) ary ny Zizania latifolia (fahita sy avy any Sina). Maniry an-drano ny Zizania, maniry isan-taona na mandavan-taona. Mahatratra 1 hatramin' ny 3 m ny haavony. Ao amin' ny Baiboly amin' ny teny malagasy dia adika hoe tsimparifary ny hoe zizanion (teny grika) izay niavian' ny hoe zizania.

Fiforonan-teny

Ny teny hoe Zizania dia avy amin' ny teny someriana hoe zizān (midika hoe "varimbazaha"), izay niampita amin' ny teny siriaka hoe ܙܝܙܘܢ / zīzon (izay anondroana an' io zavamaniry io sy ny ahi-dratsy hafa), izay niavian' ny teny grika hoe ζιζάνιον / zizánion, sy ny teny latina hoe zizania.

Ao amin' ny Baiboly amin' ny teny malagasy izy dia nadika hoe tsimparifary, ao amin' ny lahatsoratra misy fanoharana ny amin' ny mpamafy korontana sy fisamatsamahana.

Jereo koa

• Tsimparifary