Fiteny someriana

Avy amin'i Wikipedia
Aller à la navigation Aller à la recherche
Tanimanga fanoratana misy fifanarana momba fivarotana tanimboly sy trano (tao Shupuppak, taona 2600 tal. J.K.), voasoratra amin' ny fiteny someriana amin' ny fomba fanoratana talohan' ny soratra miendri-pantsika.

Ny fiteny someriana dia fiteny notenenina tao Mesôpôtamia Ambany tamin' ny Andro Taloha. Io no fiteny notenenina tao Somera tamin' ny taonarivo faha-4 sy faha-3 tal. J.K. nefa namela toerana tsikelikely ho an' ny fiteny akadiana (izay fiteny semitika) izy ka tsy nisy mpiteny intsony hatramin' ny taonjato faha-19 tal. J.K. na dia lazaina fa miteny amin' ny fiteny roa (someriana-akadiana) ny ankabeazan' ny mponina tamin' izany.

Ny fiteny someriana, sahala amin' ny fiteny haty sy ny fiteny elamita, dia fiteny sarotra sokajina amin' ireo fianakaviam-piteny fantatra ankehitriny: heverin' ny manam-pahaizana ho fiteny manirery ny fiteny someriana. Tsy fiteny semitika ny fiteny someriana.

Ny fiteny someriana dia heverina ho ny fiteny voasoratra tranainy indrindra, izay nosoratana tamin' ny soratra miendri-pantsika. Io soratra io ihany no nanoratana ny fiteny akadiana, ny fiteny ogaritika, ny fiteny amôrita ary ny fiteny elamita taty aoriana. Ireo mpanjaka egiptiana te hifandray amin' ireo faritaniny any Atsinanana Akaiky sy tamin' ireo mpanjaka mesôpôtamiana dia nampiasa ny fiteny someriana. Nanoratana ny fiteny indô-eorôpeana toy ny fiteny hitita sy ny fiteny persana tranainy koa ny soratra miendri-pantsika.

Nisolo tsikelikely ny fiteny someriana ny fiteny akadiana amin' ny maha fiteny tenenina azy nanodidina ny taonjato faha-20 tal. J.K. nefa mbola nampiasaina ho fiteny masina sy fiteny ampiasaina amin' ny lanonana sy ny haisoratra ary ny siansa ny fiteny someriana tao Mesôpôtamia hatramin'ny taonjato voalohany tal. J.K.

Jereo koa:[hanova | hanova ny fango]