Paolisianisma

Avy amin'i Wikipedia
Sauter à la navigation Sauter à la recherche

Ny paolisianisma dia fivavahana nipoitra amin'ny kristianisma tatsinanana, angamba armeniana, izay tsy misy intsony ankehitriny, mitsipaka ny fisian'ny mpitondra fivavahana, ny fampiasana ny hazo fijaliana, ny fanajana ny olo-masina, ny sakramenta, ny fanambadiana ary ny fombafombam-pivavahan'ny Fiangonana grika sy ny Fiangonana romana mbamin'ny fitiavany fahefana sy harena. Ny fiombonan'ny mino dia tsy amin'ny alalan'ny eokaristia fa amin'ny alalan'ny fampianaran'i Kristy. Ankasitrahany ny famakian'ny tsirairay ny Soratra Masina sy ny fisaintsainana lalina ary ny vavaka. Tsy manana vavaka atao afa-tsy ny Rainay (na Vavaka nampianarin'ny Tompo) izy ireo. Itovizany amin'ny firehana maro ao amin'ny protestantisma sy ny katarisma izany.

Endrika vaovaon'ny manikeisma ny paolisianisma izay niseho tao Azia Minora, faritra tao amin'ny Empira bizantina, tamin'ny taonjato faha-7. Nataon'ny Fiangonana katolika sy ny Fiangonana ortodoksa ho mpampianatra finoan-diso ny Paolisiana.