Kristiana arabo
Ny Kristiana arabo dia Arabo manaraka ny kristianisma. Mipetraka any Ampiposahana sy any Ejipta ary any Iràka ny ankamaroan' ny Kristiana arabo. Tombanana eo anelanelan' ny 900 000 sy 1 630 000 ny Kristiana arabo tany Siria, 1 640 000 sy 3 500 000 any Libàna, 140 000 sy 152 000 any Jôrdania, 7 500 000 sy 8 000 000 any Ejipta, 636 000 any Iràka, 133 130 any Israely ary 50 000 any Palestina. Misy ihany koa ireo vondrom-piarahamonina kristiana arabo ao Torkia. Amin' ny teny arabo izy ireo dia atao hoe المسيحيون العرب / al-Masīḥiyyūn al-ʿArab.
Ny fokom-pirenena arabo voalohany nandray ny kristianisma dia ny Nabateana, ny Tanokida, ny Salihida ary ny Gasanida. Nandritra ny taonjato faha-5 sy faha-6, ny Gasanida, niorim-ponenana ao Jabiya, dia nandray ny mônôfizisma aloha ary namorona ny iray amin' ireo kônfederasiôna matanjaka indrindra nihavana tamin' ny Empira Bizantina, izay nanelanelana ilay empira sy ny fokom-pirenena maro tao Arabia. Tany Iràka dia niova ho kristiana ny mpanjaka lakmida farany, i Al-Nu'man III ibn al-Mundhir, mpanjaka nanompo ny Empira Sasanida tamin' ny faran' ny taonjato faha-6. Tamin' ny taonjato faha-19 ny Kristiana arabo dia nandray anjara betsaka tamin' ny Nahda, izay hetsika fanavaozana ny ara-kolontsaina sy ara-kaisoratra ary ara-pôlitika ary niara-niaina nandritra ny taonjato maro tamin' ny Mozilmana arabo sy ny Jiosy arabo.
Amin' izao fotoana izao dia mipetraka any Atsinanana Afovoany ny antsasaky ny Kristiana arabo, ny antsasany hafa any amin' ny firenena nandehanan' izy ireo mifindra monina any Amerika Atsimo, na any amin' ny firenena tandrefana hafa. Mipetraka any Libàna sy any Brezila ny vondrom-piarahamonina lehibe indrindra. Ao amin' ny Fiangonana Tatsinanana izy ireo, na katôlika izany na ôrtôdôksa.