Henenina
Amin' ny matematika, ny henenina dia vokatry ny fampitomboana ny isa iray amin' ny isa tsimivaky iray. Raha lazaina amin' ny teny hafa, ho an' ny isa a sy b, dia azo lazaina fa b dia henenin' ny a raha toa ka b = n.a ho an' ny isa tsimivaky n. Raha tsy aotra ny a dia mitovy amin' ny filazana fa b/a dia isa tsimivaky.
Raha a sy b samy isa tsimivaky, ary b henenin' ny a, ny a dia atao hoe mpizara ny b. Misy koa milaza fa ny a mizara ny b. Raha tsy isa tsimivaky ny a sy ny b, dia aleon' ny matematika mampiasa ny hoe "henenina tsimivaky" fa tsy "henenina", mba hampazava ny resaka.
Ohatra, 14 sy 49 sy −21 ary 0 dia henenin' ny 7, fa ny 3 sy ny −6 kosa dia tsy heneniny. Izany dia satria misy isa tsimivaky azo ampitomboina amin' ny 7 mba hahazoana ny sanda 14, 49, 0 ary −21 (dia ny 2, ny 7, ny 0 ary ny -3 izany), nefa tsy misy isa tsimivaky toy izany ho an' ny 3 sy ny −6.
Tranga manokana:
Ny isa tsimivaky rehetra dia henenin' ny 1 sy ny tenany (oh: 3 = 1 × 3 na 3 = 3 × 1), ary ny isa tsy azo tsinjaraina dia henenin' ny 1 sy ny tenany ihany (oh: 13 = 13 × 1). Ny isa tsimivaky 0 dia henenin' ny isa tsimivaky rehetra n, satria 0 = 0 × n.