Azazela
.png)
Ny anarana hoe Azazela dia hita ao amin' ny Tanakh (Baiboly hebreo) sy ao amin' ny soratra apôkrifa sasany ilazana ny anjely potraka iray. Any aminy no andefasana osilahy hitondra ny fahotan' ny Jiosy mandritra ny fetin' ny Yom Kippur (hebreo: יוֹם כִּיפּוּר). Enti-manondro demony tamin' ny Andro Taloha tao amin' ny Kanaanita fahizay izay ninoany fa mitoetra any an-tany efitra io anarana io.
Fiforonan-teny
[hanova | hanova ny fango]Ny teny hebreo hoe עֲזָאזֵל / Azazel dia midika hoe "Mampahery Andriamanitra", amin' ny fampiasana ny fototeny hoe azaz sy ny hoe El izay manondro an' Andriamanitra.
Araka ny loharano hafa dia avy amin' ny teny hoe azel izay midika hoe "misintona", "manaisotra" ny hoe azazel ka midika hoe "manaisotra manontolo". Ny Septoajinta, izay fandikana amin' ny teny grika ny Baiboly hebreo, dia miombon-kevitra amin' izany. I Gesenius ao amin' ny Fitsipiteny hebreo nosoratany dia miolmbon-kevitra amin' io koa. Ny raki-boambolana Strong anefa milaza fa "osilahy mpamita iraka" ny hoe azazel.
Ny anarana hoe Azazel dia fanovan' ny teny hebreo hoe Azael na Azrael (hebreo: עֲזַרְאֵל) izay avy amin' ny fototeny hoe oz izay midika hoe "hery". Ampiasaina koa ny anarana hoe Ramiel (hebreo: רַעַמְאֵל) sy Gadriel (hebreo: ) hanondroana io demony io.