Tsiasisa

Avy amin'i Wikipedia
Voan-tsiasisa

Ny tsiasisa dia zavamaniry maniry isan-taona, ao amin' ny fianakaviana Fabaceae, zana-pianakavian' ny Faboideaeo. Cicer arietinum ny anarana siantifikany.

Be prôteinina ny voan' ny tsiasisa. Iray amin' ny legioma maina novolen’ ny olombelona voalohany indrindra izy io, ary hita tany Atsinanana Afovoany ny sisa tavela tamin' ny  9 500 taona lasa.

Tsiasisa maniry

Ny tsiasisa dia singa fototra amin' ny sakafon’ ny mponina manodidina an’ i Mediteranea sy any Atsinanana Afovoany. Izy io koa dia manan-danja amin' ny sakafo indiana, ampiasaina amin' ny salady, lasopy.

Mitombo hatramin' ny 20 sm hatramin' ny 50 sm ny haavon' ilay zavamaniry ary misy raviny kely toy ny volom-borona eo amin' ny andaniny roa amin' ny tahony. Ny tsiasisa dia karazana voamaina misy pepany miaty voany roa na telo. Miloko fotsy misy tsiraka manga na volomparasy na mavokely ny raviny.

Voan-tsiasisa anaty pepany

Karazana tsiasisa am-polony no ambolena eran-tany. Amin' ny ankapobeny, ny tsiasisa amerikana sy iraniana dia mamimamy kokoa noho ny tsiasisa indiana. Ny tsiasisa kermanshah izay manana habe 8 sy 9 dia heverina ho anisan' ny manana kalitao avo indrindra eran-tany.

Tsiasisa voatoto

Tamin' ny taona 2019, i India no namokatra ny 70 % amin' ny famokarana eran-tany. Tamin' ny taona 2020 dia nahatratra 15 tapitrisa taonina ny famokarana tsiasisa eran-tany, ka i India no laharana voalohany izay miantoka ny 73 % amin' ny fitambarany eran-tany, ary i Torkia sy i Mianmara ary Pakistàna no mpamokatra faharoa.

Jereo koa[hanova | hanova ny fango]