Aller au contenu

Teôkrasia

Avy amin'i Wikipedia
Mosesy mitazona ny Vatofisaky ny Lalàna, nataon'i José Ribera, taona 1638.

Ny teôkrasia dia fitondram-panjakana mahazo fahefana avy amin' ny andriamanitra na amin' Andriamanitra. Amin' izany dia ny andriamanitra na Andriamanitra tenany, na ny fahatongavany ho nofo, na ny solontenany, na ny mpitondra fivavahana, no tompon' ny fahefana. Araka ny hevitr' i Flavio Jôsefa, ao amin' ny atao hoe teôkrasia dia Andriamanitra mihitsy no mitondra ka tsy tokony hisahirana amin' ny pôlitika ny mpino. I Mosesy no nitondra ny vahoaka nefa Andriamanitra no manjaka ary ny teniny no lalàna. [1]

Tamin' ny taonjato faha-19 ny teny hoe teôkrasia dia matetika nampiasaina hiresahana ny fitondrana ara-pôlitika miorina amina foto-kevitra ara-pivavahana na tantanina mpitondra fivavahana. Ampiasaina indrindra io teny io amin' izao hanondroana ny fifangaroan' ny pôlitika sy ny fivavahana ka ny Fiangonana no tompon' ny fahefam-panjakana.

Ilay mpanavao fiangonana Jean Calvin tamin' ny taonjato faha-15 sy ilay olom-panjakana sady miaramila atao hoe Olivier Cromwell tamin' ny taonjato faha-16 dia nanandrana hametraka fitondrana teôkratika[2].

Avy amin' ny teny grika hoe θεοκρατία / theokratia, izay midika ara-bakiteny hoe "fitondran' andriamanitra" na "fanapahan' andriamanitra", ny hoe teôkrasia. Fikambanan' ny anarana hoe θεός / theos "andriamanitra" sy ny matoanteny hoe κρατέω / krateo "mitondra" na "manapaka" ny hoe θεοκρατία.

Loharano sy fanamarihana[hanova | hanova ny fango]

  1. "Against Apion by Flavius Josephus, Book II, Chapter 17". gutenberg.org.
  2. "Théocratie" - Microsoft ® Encarta ® 2009. © 1993-2008 Microsoft Corporation. Tous droits réservés.