Volta Rouge

Ny ony Volta sy ny renirano Volta Noire (na Mouhoun) sy Volta Blanche (na Nakambé) ary Volta Rouge (na Nazinon) ary ny firenena lalovany sy manodidina azy

I Volta Rouge (antsoina hoe Nazinon any Borkina Fasô) dia renirano any Afrika Andrefana izay mamakivaky an' i Borkina Fasô sy Ganà. Sakelidranon’ i Volta Blanche (na Nakambé) ao amin’ ny ilany ankavanana sady zana-tsakelidranon’ ny ony Volta izy.

Any Borkina Fasô, ao andrefan' i Ouagadougou renivohitra, no ipoiran’  ny loharanon’ i Volta Rouge. Mitodika avy hatrany mianatsimo-atsinanana, izay lalana tazominy mandritra ny diany, ity renirano ity. Miampita ny Valan-Javaboarin' i Kaboré-Tambi (Parc National Kaboré-Tambi) izy io, ary miala ao Borkina Fasô aorian' izay ka miampita ny tanim-pirenen' i Ganà. Ao amin' ity firenena ity no misy ny lalam-pikorianany ambany izay mirefy 30 km. Mivarina ao amin' i Volta Blanche (na Nakambé) eo amin' ny sisiny havanana izy amin’ ny farany.

Mirefy 266 km ny halavany ao Zangodi (akaikin' ny fihaonany). Mirefy 12 111 km² ny sahan-dranony izay hita indrindra any Borkina Fasô.

Jereo koa

• Ony Volta
• Volta Noire (na Mouhoun)
• Volta Blanche (na Nakambé)
• Farihy Volta