Ny fiteny hindỳ (amin'ny fiteny hindỳ: हिन्दी / hindī) dia tenim-pirenen'i India. Ny isan'ny olona miteny ny fiteny hindỳ dia misy 480 tapitrisa eo ho eo, 360 tapitrisa amin'ireo no manana ny fiteny hindỳ tenin-dreny. Amin'ny lafiny ofisialy, nampiasaina ho lingua franca any India ny fiteny hindỳ, kanefa 40 isan-jaton'ny olona fotsiny no mampiasa io fiteny io any India. Any avaratr'i India no misy ny ankabeazan'ny mpiteny hindỳ. Fiteny voasokajy amin'ny ratsana arianin'ny fiteny indô-eorôpeanina io fiteny io, nipoitra avy amin'ny fiteny sanskrity sy prakrity, soratana amin'ny alalan'ny abogida devanagari.
Ny fiteny ordò dia mitovy be amin'ny fiteny hindỳ fa soratana amin'ny abidy arabo, amin'ny fiova persana. Be teny avy amin'ny fiteny persana sy avy amin'ny fiteny arabo ny fiteny ordò. Mifanakaiky be ny ava-peon'ireo fiteny ireo ary, talohan'ny fisarahan'i India sy i Pakistana tamin'ny 1947, fiteny iray ihany ireo, ary Hindustani ny anaran'ilay fiteny.
Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.
