Fiangonana katôlika tatsinanana

Avy amin'i Wikipedia
(tonga teto avy amin'ny Fiangonana katolika tatsinanana)
Aller à la navigation Aller à la recherche

Ny Fiangonana katôlika tatsinanana dia fitambaran'ireo fiangonana any Atsinanana izay miombona amin'i Papa ao Rôma sy manaiky ny fahamboniany, nefa izy ireo manao ny fombam-pivavahana tatsinanana (kopta, siriaka tandrefana, maronita, siriaka tatsinanana, bizantina, armeniana ary gezy). Atao hoe "Fiangonana mizaka tena" na "Fiangonana manana ny lalànany manokana" (latina: sui iuris) izy ireo ao amin'ny voambolana katolika, nefa heverina fa Fiangonana katolika feno sahala amin'ny Fiangonana latina. Na dia samy tatsinanana aza dia tsy Fiangonana ôrtôdôksa izy ireo. Atao hoe "Fiangonana oniata" na "Fiangonana grika katolika" na "Fiangonana katôlika manaraka fomba bizantina" koa izy ireo. Raha ny lafiny fombafombam-pivavahana dia tsy mifanalavitra firy amin'ny fomban'ny Kristianisma ôrtôdôksa an'ny Fiangonana katôlika tatsinanana ka izy manaiky ny fahambonian'ny Papa ihany no tsy maha Ôrtôdoksa azy ireo.

Isan'ny Fiangonana katolika tatsinana ny Fiangonana katôlika marônita, kôpta, armeniana, indiana, grika, eritreana ary etiôpiana. Tsy any Atsinana sy ao Eorôpa Atsinanana ihany no ahitana azy ireo fa nanaraka ireo am-pielezana ka misy any Amerika sy Ôseania ary Eorôpa Andrefana koa.

Jereo koa:[hanova | hanova ny fango]