Fiangonana Latina

Avy amin'i Wikipedia
Sauter à la navigation Sauter à la recherche

Ny Fiangonana Latina dia ny ampahany manaraka ny fomba tandrefana ao amin'ny Fiangonana katolika ka ny Fiangonana katolika tatsinanana no ampahany mifameno aminy. Amin'ny Fiangonana katolika rehetra dia izy no lehibe indrindra. Izy koa no lehibe indrindra ao amin'ny Kristianisma Tandrefana. Nampiasa ny fiteny latina izy tamin'ny Andro Antenantenany ka hatra taty aoriana fa tsy ny fiteny grika na hafa. Ny Fiangonana latina isam-pirenena amin'izao fotoana izao dia samy mampiasa ny fiteny misy eo amin'ny toerana misy azy fa tsy voatery ho ny fiteny latina ihany.

Indraindray koa ny Fingonana latina dia mety hantsoina hoe "Fiangonana tandrefana" na "Fiangonana katolika romana" na "Eglizy katolika romana". Mahalankalana ihany no iantsoana azy hoe "Fiangonana katolika tandrefana". Ny hoe "Fiangonana tandrefana" koa dia indraindray mety hanondro avy hatrany ny Fiangonana latina.

Manana ny fehezan-dalanany manokana izy, dia ny Lalàna kanonika izay tsy ampiharina amin'ireo Fiangonana katolika tatsinanana manaiky ny fahefan'ny Papa koa.

Jereo koa:[hanova | hanova ny fango]