Bokin'i Nahoma

Avy amin'i Wikipedia
Sauter à la navigation Sauter à la recherche
Ny mpaminany Nahoma, sary natao tamin'ny taonjato faha-18.

Ny Bokin'i Nahoma dia boky ao amin’ny Tanakh (Baiboly hebreo) sy ao amin’ny Testamenta Taloha ao amin’ny Baiboly kristiana voasoratra tamin’ny taonjato faha-7 tao Jerosalema. Ao amin’ity boky ity ny mpaminany Nahoma dia manambara ny hitsarana sy ny hanamelohana an’i Ninive renivohitr’i Asiria (na Asora) noho ny fangejany ireo firenen-kafa. Maneho anefa i Nahoma fa Andriamanitra hamindra fo amin’izay miverina aminy. Fanehoan’Andriamanitra ny famindram-pony amin’ny olona ny fanasaziana ny fahavalony sy ny famotsorany ny vahoakany ho afaka amin’ny fifehezan’ny fahavalony. Vitan’Andriamanitra izany satria izy no mpanapaka ny tany rehetra.

Ny fanoratana ny boky[hanova | hanova ny fango]

I Nahoma no nanoratra ny Bokin’i Nahoma. Mpaminany avy ao Alkosy any Galilea izy. Taloha kelin’ny nandravana an’i Ninive (612 tal. J.K.) no nivoahan’ny faminanian’i Nahoma ary voasoratra teo anelanelan’ny taona 642 sy 606 tal. J.K. ny boky mitondra ny anarany.

Testamenta Taloha

Isan’ireo atao hoe Mpaminany madinika roa ambin’ny folo izay zana-bondron’ny Bokin'ny mpaminany ny Bokin’i Nahoma ao amin’ny Baiboly kristiana fa sokajin’ireo Mpaminany taoriana izay zana-bondron’ny Nevi'im ("Mpaminany") izy ao amin’ny Tanakh.

Fizaràn’ny boky[hanova | hanova ny fango]

Azo zaraina roa toy izao ny Bokin’i Nahoma :

Ny voninahitra sy ny herin'i Iahveh Andriamanitra (1.1 – 2.1)[hanova | hanova ny fango]

  • Ny fahatezeran’i Iahveh (1.1 – 2.1)
  • Faminaniam-pitsarana an’i Joda (1.9 – 1.15)

Faminaniana ny amin'ny haharavan’i Ninive (2.1 – 3.19)[hanova | hanova ny fango]

  • Ho rava i Ninive (2.1 – 2.13)
  • Hovaliana ny fahotan’i Ninive (3.1 – 3.7)
  • Voatombokase ny amin’ny Ninive (3.8 – 3.19)

Jereo koa :[hanova | hanova ny fango]