Ketuvim

Avy amin'i Wikipedia
Sauter à la navigation Sauter à la recherche

Ny Ketuvim na Ketubim ("soratra") dia fitambaran’ireo boky iraika ambin’ny folo mamorona ny fizaràna fahatelo sady farany ao amin’ny Baiboly hebreo (na Tanakh). Tsy afangaro amin'ny lazain'ny Kristiana hoe "bokim-pahendrena" ny Ketuvim na "Soratra" ao amin'ny Baiboly hebreo.

Fiforonan-teny[hanova | hanova ny fango]

Ny teny hoe כְּתוּבִים / ketuvim na ketubim dia teny hebreo amin'ny endriny milaza maro izay midika hoe "soratra".

Ny fanasokajiana ireo boky ao amin’ny Ketuvim[hanova | hanova ny fango]

Misy sokajy telo ny boky ao amin’ny Ketuvim, dia ireo ao amin’ny hoe סִפְרֵי אֶמֶת / Sifrei Emet sy ny hoe חמש מגילות / Hamesh Megilot ary ireo boky sisa.

Ny Sifrei Emet na Bokim-Pahamarinana[hanova | hanova ny fango]

Ny teny hoe סִפְרֵי / sifrei dia midika hoe "horonam-boky". Ny hoe Emet dia fanafohezana ny fifanarakarahan'ny anaran'ireo boky telo mitambatra ao aminy avy ambany mianambony, nefa afaka midika hoe "fahamarinana". Telo ireo boky ao amin’ny סִפְרֵי אֶמֶת / Sifrei Emet, dia ireto avy :

  • Sefer Tehillim (ספר תְּהִלִּים) (Salamo)
  • Sefer Mishlei (ספר מִשְלֵי)(Ohabolana)
  • Sefer Iyyôb (ספר אִיּוֹב) (Joba)

Ny Hamesh Megilot na Horonana Dimy[hanova | hanova ny fango]

Misy dimy ireo boky atao hoe Hamesh Megilot, izay midika hoe "horonam-boky dimy", dia ireto avy :

  • Sefer Ruth (ספר רות) na Megillat Ruth (מגילת רות) (Rota)
  • Sefer Ester (ספר אסתר) na Megillat Ester (מגילת אסתר) (Estera)

Ireo boky sisa[hanova | hanova ny fango]

Tsy misy anarana manokana hanasokajiana azy ireo boky sisa ao amin’ny Ketuvim izay miisa telo, dia ireto avy:

  • Sefer Daniel (ספר דָּנִיֵּאל) (Daniela)
  • Sefer Divrei haYamim (ספר דִּבְרֵי־הַיָּמִים) (Tantara)

Marihina fa mitambatra ho boky iray ny Bokin'i Ezra sy ny Bokin'i Nehemia izay misaraka ao amin'ny Baiboly kristiana, torak'izany koa ireo Bokin'ny Tantara (1Tantara sy 2Tantara).

Jereo koa:[hanova | hanova ny fango]