Tononkiran'i Solomona

Avy amin'i Wikipedia
Sauter à la navigation Sauter à la recherche
Tononkira Fanaperana, nataon'i  Gustave Moreau, 1893

Ny Tononkiran'i Solomona na Tononkira dia Tononkira na Tononkira Fanaperana dia boky ao amin'ny Baiboly ao amin'ny Testamenta Taloha izay mitantara ny resaka ifanaovan'ny mpifankatia mifampitaona sy mifaneho ny fitiavany sy ny faniriany.

Tantara an'ohatra ny amin'ny fitiavan'Andriamanitra ny vahoakany izany ho an'ny Jiosy sy ny Kristiana. Tononkiran'i Solomona no iantsoana ilay boky ao amin'ny Baiboly protestanta fa Tononkira dia Tononkira na Tononkira Fanaperana kosa ao amin'ny Baiboly katolika.

Anaran'ny boky[hanova | hanova ny fango]

Ny hoe Tononkiran'i Solomona dia teny andikana ny teny grika hoe ᾎσμα ᾈσμάτων / Aisma Aismátôn sy ny teny hebreo hoe Shir ha-Shirim ao amin'ny Baiboly protestanta. Tsy dikan-teny ara-bakiteny izany. Ny hoe Tononkira dia Tononkira no manakaiky indrindra ny anaran'ny boky amin'ny teny hebreo. Ny hoe Shir ha-Shirim dia enti-milaza ny hatsarana fara-tapony ananan'ilay tononkira (shir), "tononkira tsara indrindra" no azo andikana izany.

Famintinana sy fivoasana ny boky[hanova | hanova ny fango]

Fanangonana tonon-kira sy tonon-kalo ny Bokin'ny Tononkira Fanaperana izay mampiresaka lehilahy iray sy vehivavy iray ny amin'ny fifankatiavan'izy ireo. Indraindray izy roa dia mifamaly resaka fa indraindray koa dia miresaka amin'ny namany avy ka mahatsiahy ny fifandraisany sy ny fisakaizany.

Ny mpanao fivoasana ny boky dia samy nanana ny fomba fandraisany ny zavatra voalaza ao:

  1. I Solomona, hoy ny sasany, io lehilahy miteny io.
  2. Nentina teo an-dapan'i Solomona ilay vehivavy nefa efa niraiki-pitia tamin'olon-kafa izay tafakambana aminy ihany tamin'ny farany.
  3. Mety nampiasaina tamin'ny fotoana ankalazana fanambadiana teo amin'ny Israelita tany aloha ireo tonon-kira na tonon-kalo ireo, raha tsy nanana heviny teolojika.
  4. Ilay lehilahy sy ilay vehivavy dia sarin'Andriamanitra sy ny Vahoakany, na sarin'i Kristy sy ny Fiangonana.

Fizaràn'ny boky[hanova | hanova ny fango]

Azo zaraina telo ny Tonon-kira Fanaperana:

- Ny fiaraisam-po eo amin'ireo mpifankatia (1.1 -- 2.7)

- Mitady ny olon-tiany ilay mpampakatra (2.8 -- 3.5)

- Lahateny fanehoam-pitiavana miredareda (3.6 -- 8.14)

Toy izao ny antsipiriany:

Ny fiaraisam-po eo amin'ireo mpifankatia (1.1 -- 2.7)[hanova | hanova ny fango]

  • Tsara lavitra noho ny divay ny fitiavana (1.1-17)
  • Mahatonga ny zavatra rehetra hahafinaritra ny fitiavana (2.1-27)

Mitady iny olon-tiany ilay mpampakatra (2.8 -- 3.5)[hanova | hanova ny fango]

Lahateny fanehoam-pitiavana miredareda (3.6 -- 8.14)[hanova | hanova ny fango]

  • Ny fampakaram-bady (3.6-5.1)
  • Tsara noho ny hafa rehetra ilay olon-tiana (5.2-7.13)
  • Izaho sy ianao (8.1-14)
Testamenta Taloha

Jereo koa[hanova | hanova ny fango]