Roman Jakobson

Avy amin'i Wikipedia
Aller à la navigation Aller à la recherche
Roman Jakobson

I Roman Osipovich Jakobson (rosiana: Роман Осипович Якобсон), teraka tamin' ny 28 Septambra 1896 (10 Oktobra 1896 ao amin' ny kalandrie gregôriana) tany Môskoa ary maty tamin' ny 18 Jolay 1982 any Cambridge any Etazonia, dia mpandinika rosiana-tsekô-amerikana izay lasa iray amin' ireo mpahay teny tena nahay sary an-tsaina sy niavaka tamin' ny taonjato faha-20, nametraka ny fototra ho amin' ny fampandrosoana ny famakafakana ara-drafitra ny fiteny sy ny tononkalo ary ny zavakanto ka anisan' izany ny sinemà, amin' ny alalan' ny asasoratra be isan-karazany. Ny sanganasany dia nisy fiantraikany lehibe tamin' i Claude Lévi-Strauss, tamin' i Noam Chomsky, tamin' i Tzvetan Todorov na tamin' i Roland Barthes, ary lasa olo-malaza i Jakobson amin' ny fampifanarahana ny famakafakana ara-drafitra amin' ny taranja ankoatra ny haiteny, indrindra fa ny filôzôfia , ny antrôpôlôjia na ny teôrian' ny literatiora .