Mitraisma

Avy amin'i Wikipedia
Sauter à la navigation Sauter à la recherche

Ny mitraisma na fivavahana amin'i Mitra dia fivavahana misy zava-miafina, izay tokony niseho tamin'ny taonjato faha-2 tal. J.K. tany Persia, ka i Mitra no andriamaniny. Rava ny fivavahana tamin'i Mitra tany Persia tamin'ny fiforonan'ny zôrôastrisma. Niroborobo io fivavahana io tao amin'ny Empira rômana tamin'ny taonjato voalohany hatramin'ny faha-4 taor. J.K. Mampiady hevitra ny mpikaroka momba ny fivavahana ny fifandraisan'ny fivavahana amin'i Mitra tao Persia sy ny tao amin'ny Empira rômana. Nahatratra ny fara tampon'ny lazany ny mitraisma tamin'ny taonjato faha-3. Ireo miaramila rômana no tena mpitia ny fivavahana amin'i Mitra.

Ny mitraisma dia nisy akony teo amin'ny fivoaranan'ny manikeisma izay nifaninana fatratra tamin'ny fivavahana kristiana.

Tamin'ny faramparan'ny taonjato faha-4 dia nanenjika sy nanafoana ny fivavahana hafa tsy ny kristianisma ny emperora Teôdôsio I. Ny didim-panjakana iray nivoaka tamin'ny taona 391 dia nampandrava na nanova ho fiangonana kristiana ny tempoly tsy kristiana maro ka rava noho izany ny mitraisma.

Jereo koa[hanova | hanova ny fango]

Fivavahana iraniana[hanova | hanova ny fango]