Great Plains
Ny Great Plains ("Lemaka Lehibe") dia tany lemaka midadasika dia midadasika any Amerika Avaratra. Eo atsinanan' ny Rocky Mountains no misy an' ilay faritra, ary rakotra tany anirian' ahitra amam-bozaka sy stepa ny ankamaroany. Ireo lemaka ireo dia ilany andrefan' ny Interior Plains, izay ahitana ny lemaka be ahitra eo anelanelan' ny Great Lakes sy i Appalachian Plateau, ary ny fari-tontolo iainan' ny Lemaky ny Taiga sy ny an' ny Lemaka Bôrealy any amin' ny avaratr' i Kanada. Anondroana ny fari-tontolo iainan' ny Great Plains, na koa ny ampahany andrefan' ny Great Plains, ny andian-teny hoe Great Plains ("Lemaka Lehibe") na Western Plains ("Lemaka Andrefana") koa dia a.
Ny Great Plains dia mamakivaky ny faritra afovoan' i Etazonia sy ny andrefan' i Kanada, izay mahafaoka:
- ny ampahany be na manontolo amin' ny fanjakan' i Kansas, ny fanjakan' i Nebraska, ny fanjakan' i North Dakota ary ny fanjakan' i South Dakota, any Etazonia;
- ny tsinanan' ny fanjakan' i Colorado, ny fanjakan' i Montana, ary ny fanjakan' i Wyoming, any Etazonia;
- Ampahany amin' ny fanjakan' i New Mexico, ny fanjakan' i Oklahoma, ny fanjakan' i Texas, any Etazonia;
- indraindray koa ny faritra andrefana amin' i Iowa, amin' i Minnesota, ary amin' i Missouri, any Etazonia;
- ny ampahany atsimo amin' ny faritanin' i Alberta, amin' ny faritanin' i Saskatchewan ary amin' ny faritanin' i Manitoba, any Kanada.