Filazam-potoana tsy lasa
Ny filazam-potoana tsy lasa dia endriky ny teny atao entimilaza (ny matoanteny indrindra) izay manambara amin' ny alalan' ny mari-potoana fa tsy amin' ny fotoana lasa no itrangan' ny asa na toetra lazain' io entimilaza na matoanteny io fa amin' ny fotoana ankehitriny na hoavy.
Ahitana fifanoheran' ny mari-potoan' ny lasa sy ny mari-potoan' ny tsy lasa ny fiteny malagasy (amin' ny endriny ôfisialy) araka ny asehon' ny hoe eto vs teto; any vs tany; sns na dia manana mari-potoana fahatelo (hoavy) aza. io fiteny io. Anisan' ny karazam-piteny toy izany ny fiteny anglisy izay tsy ahitana afa-tsy ny mari-potoana lasa (matetika: -ed) sy mari-potoana tsy lasa (tsy misy marika manokana misongadina). Ireo lazaina hoe filazam-potoana hoavy (anglisy: future tense) dia fitambaran' ny endri-matoanteny tsy mitanisa (infinitive) amin' ny matoanteny mpanampy filaza atao amin' ny filazam-potoana "ankehitriny" (will na shall). Izany dia ahazoana ny fitanisana endri-matoanteny toy izao: I go, I went, I will/shall go, I would/should go. Fanampin' izany dia tsy voatery hampiasa ny mpanampy will na shall na hafa ny fiteny anglisy mba hiresahana momba ny hoavy, ka ny amantarana ny fotoana resahina dia amin' ny alalan' ny tambinteny na fameno milaza fotoana.
Ohatra:
- I hope he gets better tomorrow ("Manantena ny hihatsarany rahampitso aho") (tsy lasa).
- I hope he got better yesterday ("Manantena ny nihatsarany omaly aho") (lasa).