Fanirisoa Ernaivo

I Fanirisoa Ernaivo dia vehivavy mpitsara sady mpanao pôlitika malagasy. Teraka tamin' ny taona 1979 tao Antananarivo izy. Niditra amin' ny sehatry ny fanaovana pôlitika izy ary efa nilatsaka ho filoham-pitrenena tamin' ny taona 2018. Nanangana ny RMDM Diaspora tany ivelany, izay ivondronan' ny mpanao pôlitika malagasy any ivelany manohitra ny fitondrana fitondran' i Andry Rajoelina. Izy no namoaka ny fanananan' ity filoham-pirenena ity zom-pirenena frantsay sady nametraka fitoriana momba izany.

Ny fianakaviany[hanova | hanova ny fango]

Teraka tamin' ny taona 1979 tao Antananarivo i Fanirisoa Ernaivo. Mpampianatra matematika sy fizika ny rainy ary dokotera ny reniny. Namoy ny ray aman-dreniny aloha be izy. Telo ny zanany. Nianatra lalàna izy ka lasa mpitsara tao amin' ny Minisiteran' ny Fitsarana sy lasa filohan' ny sendikan' ny mpitasara malagasy^[1].

Mpahay lalàna sy mpitsara malagasy[hanova | hanova ny fango]

Fianarana lalàna[hanova | hanova ny fango]

Nilofo i Fanirisoa Ernaivo ka nahavita ny fianarana lalàna. Nandray anjara amin' ny fifaninanana hidirana ao amin' ny Ecole de Nationale de la Magistrature et des Greffes (ENMG) izy ary nahavita soa aman-tsara ny fianarany tao ka tafiditra ao amin’ ny tontolon' ny fitsarana malagasy. Nianatra tao amin’ ny Centre d’Etudes Diplomatiques et Stratégiques (CEDS) ao Antananarivo sy tao amin' ny Ecole Nationale d’Administration (ENA) any Paris renivohitr' i Frantsa, ka izany no fidirany an-tsehatra voalohay amin' ny tontolon' ny pôlitika^[1].

Mpitsara malagasy[hanova | hanova ny fango]

Nandritra ny asany, noho ny fiofanana momba ny lalàna norantoviny, dia niandraikitra asan' ny mpampanoa lefitra (substitut du procureur) i Fanirisoa Ernaivo, avy eo inspektera mpitsara (magistrate inspecteur) tao amin' ny Minisiteran' ny Fitsarana; avy eo mpitsara teo anivon' ny fitsarana ambaratonga voalohany tao Antananarivo^[1].

Izy no vehivavy voalohany filohan' ny Syndicat de la Magistrature de Madagascar (SMM) nanomboka tamin' ny volana Desambra 2016, izay nanohizany ny fitakiana momba ny fahaleovantenan' ny fitsarana malagasy^[2]. Efa filohan’ ny Solidarité Syndicale de Madagascar (SSM), izay mampivondrona ny sendika rehetra ao amin' ny sehatry ny asam-panjakana sy ny tsy miankina, koa izy^[1].

Fanaovana pôlitika[hanova | hanova ny fango]

Firotsahana amin' ny fanaovana pôlitika[hanova | hanova ny fango]

Tamin' ny taona 2018 i Fanirisoa Ernaivo no lasa anisan' ireo mpanao pôlitika malagasy fantatra indrindra eto Madagasikara. Noho ny asam-pitsarana nosahaniny sy ny naha filohan' ny SSM azy dia tsy niditra an-tsehatra teo amin' ny tontolon' ny pôlitika malagasy i Fanirisoa Ernaivo mba hitondra vina vaovao amin' ny fitantanana ny firenena momba ny lafiny lalàna, toekarena, fiarahamonina ary fahaiza-mitantanana^[1].

Tamin' ny taona 2018 i Fanirisoa Ernaivo no nilatsaka ho filoham-pirenena tamin' ny alalan' ny fikambanana "Zanak' i Madagasikara" sy "Parti Travailliste Malagasy" ((ZAMA - PATRAM)^[3]^[4]^[5]. Izy no zandriny indrindra tamin' ny mpilatsaka. Tsy lany izy tamin' izay^[6].

Tsy nitsahatra amin' ny fanaovana pôlitika i Fanirisoa Ernaivo, ka tamin’ ny taona 2019 izy dia nanangana sy nitarika ny Association pour le Droit et Développement de Madagascar (ADM) mba hampiharany ny faharesen-dahatra nananany manokana tamin’ ny alalan' ny fanomezana fanampiana ny olona sahirana^[1].

Fanenjehana azy sy fanamafisany ny fanoherana[hanova | hanova ny fango]

Nesorina tsy ho anisan' ny mpitsara i Fanirisoa Ernaivo tamin' ny taona 2019 noho ny teny fankasitraha ny fitsaram-bahoaka nahafaty mpitandro filaminana tany Fenerive-Atsinanana, nandritra ny fandraisam-pitenenany tamin' ny taona 2018 nandritra ny fihaon' ny mpanao pôlitika mpanohitra teo Mahamasina (Antananarivo).

Tamin' ny taona 2020 izy dia nanangana ny RMDM Diaspora ("Rodoben' ny Mpanohitra ho an' ny Demokrasia eto Madagasikara am-Pielezana"), niaraka tamin' ny Malagasy mpitarika sy mpanao pôlitika maro hafa any ivelany, ka izy no voafidy ho filohan' izany fikambanana izany^[1].

Jereo koa[hanova | hanova ny fango]

Loharano sy fanamarihana[hanova | hanova ny fango]

↑ ^1,0 ^1,1 ^1,2 ^1,3 ^1,4 ^1,5 et ^1,6 « Fanirisoa Ernaivo, une femme en politique à Madagascar », opinion-internationale.com, 9 mars 2021.
↑ « Fanirisoa Ernaivo : Première femme à la tête du SMM Archived Janoary 20, 2022 at the Wayback Machine », Midi Madagasikara,‎ 9 décembre 2016 [arsiva].
↑ « Fifidianana ho Filoham-pirenena 7 novambra 2018 Archived Febroary 23, 2021 at the Wayback Machine", hcc.gov.mg [arsiva],16 août 2018
↑ "Madagascar : premier tour des présidentielles le 7 novembre 2018", la1ere.francetvinfo.fr,
↑ "Liste-représentants, candidats et trésoriers de campagne", ceni-madagascar.mg.
↑ "Résultat de l'éléction présidentielle du 7 Novembre 2018", hcc.gov.mg (arsiva)

[:0-1] 1,0 ^1,1 ^1,2 ^1,3 ^1,4 ^1,5 et ^1,6 « Fanirisoa Ernaivo, une femme en politique à Madagascar », opinion-internationale.com, 9 mars 2021.

[2] « Fanirisoa Ernaivo : Première femme à la tête du SMM Archived Janoary 20, 2022 at the Wayback Machine », Midi Madagasikara,‎ 9 décembre 2016 [arsiva].

[3] « Fifidianana ho Filoham-pirenena 7 novambra 2018 Archived Febroary 23, 2021 at the Wayback Machine", hcc.gov.mg [arsiva],16 août 2018

[4] "Madagascar : premier tour des présidentielles le 7 novembre 2018", la1ere.francetvinfo.fr,

[5] "Liste-représentants, candidats et trésoriers de campagne", ceni-madagascar.mg.

[6] "Résultat de l'éléction présidentielle du 7 Novembre 2018", hcc.gov.mg (arsiva)

[1]

[2]

[3]

[4]

[5]

[6]