Fanandroana arabo
Ny fanandroana arabo dia fanandroana vokatry ny fandikana amin' ny teny arabo, tamin' ny Andro Antenatenany, ny asasoratra grika momba ny fanandroana, anisan' izany ny an' i Klaodiôsy Ptôlemaiôsy (Κλαύδιος Πτολεμαῖος / Claúdios Ptolemaîos) toa ny Tetrabiblos. Ity fanandroana ity dia miavaka noho ny fiteny arabo nanoratana azy, fa tsy amin' ny faritra niaviany (izay niely amin' ny faritra toa an' i Persia sy i Afrika Avaratra ary i Espaina ihany koa). Nandritra ny taonjato maro, ny Arabo dia nandika ny asasoratra momba ny fanandroana tao amin' ny sivilizasiôna grika. Ankehitriny dia teraka ny fanandroana arabo iray hafa sady vaovao, izay tsy ahitana sarin' olombelona sy biby izay ahita amin' ny evan' ny zôdiaka nentim-paharazana, vokatry ny fivavahana silamo.
Ny zavatra natovany ny fanandroana grika[hanova | hanova ny fango]
Amin' ny lafiny teknika, ny manam-pahaizana arabo dia namaha ny olan' ny fanehoana ara-kaikintana marina ny fanomezana heviny ny fipetraky ny Masoandro sy ny Volana ary ny kintana sy ny planeta, ary indrindra ny famaritana mazava tsara ny efitra manasaraka ny "trano anelanelany" amin' ny alalan' ny kajy trigônômetrikan' ny bola.
Fanampin' izany, nanana fitaovana misy "tabilao astrônômika" mazava tsara ny Arabo izay tsy nanao kajy, indrindra fa noho ny asan' i Al-Khwarizmî, ka namorona ny fihodin' ny Masoandro hatao fitaovana faminavinana amin' ny fanandroana ho an' ny tsirairay.