Boloky
Ny boloky na ampala na vaza dia vorona mifaraingo vava. Ankoatry ny boloky misioka toy ny vorona rehetra, dia misy koa ny mahay mamerina ny teny fandreny matetika. Mandrafitra ny vondron-karazana Coracopsis ny karazana boloky efatra ao amin' ny fianakaviana Psittaculidae, tsy fahita afa-tsy eto Madagasikara sy ao amin' ny nosy hafa any amin' ny faritra andrefan' ny Ranomasimbe Indianina.
Ireto ny karazana efatra:
- Coracopsis vasa (hita eto Madagasikara sy ao Kômôro)
- Coracopsis nigra (hita eto Madagasikara, izay mizara ho zana-karazana roa: Coracopsis nigra libs sy Coracopsis nigra nigra)
- Coracopsis sibilans (hita ao Kômôro)
- Coracopsis barklyi (hita ao Seisely)
Ny boloky hita eto Madagasikara
[hanova | hanova ny fango]Misy karazany roa ny boloky hita eto Madagasikara ankoatr' ireo hita eny amin' ny nosy Kômôro sy ny nosy Seisely.
Ny boloky kely
[hanova | hanova ny fango]_31l07.JPG)
Ny boloky kely (Coracopsis nigra) dia karazana boloky mainty manopy manga rehefa taratry ny masoandro ny lohan' ny elany ary miafara amin' ny mainty matroka be. Mirefy eo aminy 30 sm eo ny halavany (lohany hatrany amin' ny rambony). Manana feo manga sy sioka tsara kokoa ny boloky kely raha oharina amin' ny boloky be.
Any anaty kirihitr' ala lavitry ny olombelona no ahitana azy, dia amin' iny ilany atsinanana sy andrefanan' ny Nosy iny. Miara-miaina eo amin' ny 60 na 70 isa eo ny boloky kely raha toa ka mitokana lavitry ny namany ny mpivady hikotrika.
Ny boloky be
[hanova | hanova ny fango]
Mainty somary volon-davenona ny boloky be (Coracopsis vasa), ary manopy manga sy maitso ny lohan' ny elany ka miafara amin' ny mainty matroka be. Mirefy eo amin' ny 60 sm ny boloky be ary manana feo maranitra rehefa misioka.
Ny faritra andrefan' ny Nosy no tena ahitana azy, na dia efa miparitaka eran' i Madagasikara no ahitana azy noho ny fihazana sy fivarotana azy. Vorona miha lany tamingana ny boloky satria mihena ny toera-ponenany vokatry ny doro tanety sy ny fanapahana ny ala.
Kolontsaina
[hanova | hanova ny fango]Ohabolana malagasy
[hanova | hanova ny fango]- Aza manao bolokilahy homam-boan-tseva: fy ny atsy, fy ny aroa.
- Boloky homam-boan-tseva: fy ny atsy mamy ny aroa.
Jereo koa
[hanova | hanova ny fango]- Agapornis fischeri
- Agapornis canus - boaiza