Bokin'ny Ekleziastika

Avy amin'i Wikipedia
Sauter à la navigation Sauter à la recherche

Ny Bokin'ny Ekleziastika dia boky ao amin'ny Testamenta Taloha ao amin'ny Baiboly katolika sy ortodoksa izay voasokajy ho isan'ireo bokim-pahendrena. Ny lohahevi-dehiben'ny boky dia ny Fahendrena izay anaovan'ny mpanoratra fitanisana ohabolana sy famelabelarana voalamina. Ny fatahorana an'Andriamanitra no fisehoan'izany Fahendrena izany. Izany dia nataon'ny mpanoratra mba hanoherany ny fihanaky ny kokontsaina grika (indrindra ny filozofia) izay mila hanototra ny kolontsaina sy ny fivavahana jiosy nolovana tamin'ireo razana. Ny Fahendrena dia sady reny no vady no anabavy ka ny fikatsahana azy dia fikatsahana an'Andriamanitra ary ny fiainana miaraka aminy dia fiainana miaraka amin'Andriamanitra.

I Jesoa zanak'i Siràka (hebreo: Yeshua ben Sira) no hoe nanoratra an'io boky io tamin'ny fiteny hebreo. Ny zafikeliny no nandika an'ilay boky ho amin'ny fiteny grika.

Ny Jiosy ny ny Protestanta dia tsy manao an'io boky io ho filamatry ny finoana (kanonika) fa mihevitra azy ho tsara vakina ihany.

Anaran'ny boky[hanova | hanova ny fango]

Ny Bokin'ny Ekleziastika dia atao hoe koa Fahendren'i Bena Siràka na Fahendren'ny zanak'i Siràka izay hafohezina amin'ny hoe Siràka. Ny anarana hoe Siràka dia mety ho hita amin'ny endrika hoe Sirà. Ao amin'ny Volgata io boky io dia atao hoe Liber Ecclesiasticus na Liber Iesu filii Sirach ("Bokin'i Jesoa zanak'i Siràka") Amin'ny teny hebreo izy dia atao hoe ספר בן סירא / Sepher ben Sira ("Bokin'i zanak'i Sira").

Fizaràn'ny boky[hanova | hanova ny fango]

Sarotra zaraina ny boky nefa azo atao ny mizara azy ankapobeny ho telo:

  • Fananarana (Sir. 1.1 -- 42.14)
  • Ny voninahitr'Andriamanitra manerana ny tany sy ny lanitra (Sir. 42.15 -- 43.33)
  • Ny Fahendren'Andriamanitra teo amin'ireo Hebreo fahizay (Sir. 44.1 -- 51.30)

Jereo koa:[hanova | hanova ny fango]