Asteraceae
Ny Asteraceae dia fianakavian-javamaniry misy karazana be dia be, izay antsoina koa hoe Compositae, na Compositaceae. izay ahitana fikambanana voniny madinika izay miseho ho toy ny voniny lehibe.
Ity fianakaviana ity dia ahitana karazana efa ho 23 500 izay voatsinjara amina vondron-karazana miisa 1 600 eo ho eo, izay mahatonga azy io ho fianakaviana faharoa amin' ny tontolon' ny zavamaniry sy voninkazo, ao aorian' ny Orchidaceae (izay misy karazana 25 000) fa eo alohan' ny Fabaceae.
Ahitana an' ity fianakavian-javamaniry ity faritra rehetra eto an-tany (afa-tsy any Antarktika, any amin' ny tanin-dranomandrin' i Grinlandy ary any amin' ny vondronosy Arktika Kanadiana), fa indrindra any amin' ny faritra manana toetany antonony. Ny karazan-javamaniry tena maneho an' ity fianakaviana ity dia maniry indrindra any amin' ny faritra misy haintany, ivelan' ny faritra misy hazo any amin' ny ala trôpikaly mando. Ny ankamaroan' izy ireo dia zavamaniry ahitra, na dia misy aza ny hazo, hazomadinika na vahy ao amin' io fianakaviana io. Anisan' izany ny tanamasoandro, ny herokeroka, ny salady ary ny beroberoka.