Antiokosy IV Epifanesy

Avy amin'i Wikipedia
Sauter à la navigation Sauter à la recherche
I Antiokosy IV Epifanesy latsaka avy teny amin'ny kalesin-tsoavaliny

I Antiokosy IV Epifanesy dia mpanjaka seleokidan'i Siria tamin'ny taona 175 tal. J.K. hatramin'ny taona 163 tal. J.K. Teraka tamin'ny taona 215 tal. J.K. izy ary maty tamin'ny taona 163 tal. J.K. I Antiokosy III Megasy no rainy. I Laodike IV anabaviny sady vady navelan'ny rahalahiny no novadiny.

Tamin'ny taona 171 tal. J.K. hatramin'ny taona 168 tal. J.K. izy dia niady tamin'i Egipta izy ka nandresy ny farao Ptolemeosy VI Filometora sy ny farao Ptolemeosy VII Evergeto II. Nandresy ny Jiosy izy ka naka an'i Jerosalema sady nandrara ny fivavahana jiosy ary niezaka hametraka ny fivavanana amin'ireo andriamanitra grika. Nikomy sady nanenjika an'i Antiokosy Epifanesy ny Jiosy notarihin'ny mpisorona atao hoe Matatià (na Matatiasy) sy ireo zanany atao hoe Makabeo.

Taty aoriana dia nandresy ny Armeniana sy ny Persiana i Antiokosy Epifanesy. Nanenina tamin'ny fanenjeany ny Jiosy i Antiokosy Epifanesy rehefa akaiky ho faty. I Antiokosy V Eopatora zanany no nandimby azy teo amin'ny fitondrana tamin'ny nahafatesany tamin'ny taona 163 tal. J.K.

Jereo koa[hanova | hanova ny fango]