Voanantay
.jpg)
Ny voanantay dia zavamaniry ahitra ao amin' ny fianakaviana Solanaceae, ao amin' ny vondron-karazana Solanum manan-danja, karazana anamamy, izay ahitana koa ny ovy, ny baranjely, ny voatabia ary ny manganana. Solanum nigrum ny anarany ara-tsiansa. Tahaka ny Solanaceae rehetra, ny taova sasany amin' ilay zavamaniry (anisan' izany ny voany manta) dia misy glokôalkalôida misy poizina, ka izany no mahatonga io zavamaniry io ho tsy tian' ny olona volena (ny voany manta mitovy endrika sy habe amin' ny pitipoà). Ity zavamaniry ity dia azo ampiasaina amin' ny fitsaboana ary ambolena hohanina any amin' ny faritra sasany eto an-tany.
Ho an' ny Malagasy, ny voanantay dia matetika maniry amin' ny antontan-jezika na amin' ny toerana fangeren' ny olona (matetika, araka ny fomba nentim-paharazana, eny atsimon-tanàna). Mba hisorohana ny aretina dia voarara ny fihinanana azy ireo.