Sora
Ny sora na antsora na ambiko dia biby mampinono mpihinana bibikely, mitsokotsolo vava sy misy volo maranitra toa tsilo, ao amin' ny fianakaviana Tenrecidae. Mamorona ny vondron-karazana Hemicentetes izy ireo.
Ny karazana roa voarakitra an-tsoratra amin' izao fotoana izao dia tsy misy afa-tsy eto Madagasikara, dia ny Hemicentetes semispinosus (sora an-tany iva) sy ny Hemicentetes nigriceps (sora an-tany avo). Ny voalohany (H. semispinosus) dia hita any amin' ny ala trôpikaly amin' ny tapany atsinanan' ny Nosy ary ny faharoa (H. nigriceps) dia hita any amin' ny ala mando sy hivoka amin' ny lembalemba any amin' ny faritra afovoan' i Madagasikara.
Ny halavan' ny vatan' ny sora dia mirefy 14 sm. Tsy manana rambo izy ireo. Ny sora an-tany iva dia lehibe kokoa noho ny sora an-tany avo. Samy manana vatana voarakotra volo tsilo sy volo tsotra mainty misy tsipika mazava lava ireo karazana roa ireo.
Ao amin' ny kolontsaina
[hanova | hanova ny fango]Ohabolana malagasy
[hanova | hanova ny fango]- Mason-tsora, mason-tsokina : ny kely ananana ahiratra.
- Sora nagnanto afo.