Sindo

Avy amin'i Wikipedia
Sauter à la navigation Sauter à la recherche

I Sindo na Indosy na Indo (izay fantatra amban'ny anarany Sindh na Sindhu tamin'ny Andro Taloha, dia renirano any Pakistàna nanome ny anarany an'i India. Ny loharanony dia any amin'ny tendrombohitra Himalaya ary mizotra makany atsimo andrefana izy. Anisan'ny renirano inoana ho masina any India i Sindo, miaraka amin'ny Gange. Ao amin'ny Ranomasin'i Omàna izy no mivarina.

Jeografia[hanova | hanova ny fango]

Ny renirano Indus

Ny loharanon'i Indosy dia any Tibeta, ao amin'ny tangorombohitra Kailās na Gangri. Manomboka mitondra ny anarany i Indosy eo amin'ny sakeli-dranon'ny renirano Sengge sy ny renirano Gar midina amin'ny Himalaya. Mandalo any avaratra andrefana i Indosy, ary miampita an'i Kashmira any atsimon'ny tangorombohitr'i Karakoram, ary midina any atsimo izy, miala amin'ny vohitra Peshawar sy Rawalpindi izy. Eo amin'io faitra io, misy tohadrano mampisy tahirin-dranon'i Tarbela. Azo andehanan'ny sambo ilay renirano eo amin'ny vinanin'ny renirano Kaboul.

Manaraka ny tany lemak'i Penjab sy ny an'i Sind i Indosy, ary mandeha moramora kokoa izy. Miampita ny tanànan'i Hyderābād izy ary mivarina ao amin'ny ranomasin'i Omàna, manao vavarano mivelatra 7 700 km2 eo am-pirvarinana, any atsimo andrefan'i Karāchi ny misy ilay varavaro. Ankehitriny, anisan'ny faritra ekolojika indrindra eto an-tany i Sindo.