Sama (vorona)

Ny sama dia karazam-borondrano lehibe, mahaforona ny fianakaviana Phoenicopteridae, izay fianakaviana tokana ao amin' ny filaharana Phoenicopteriformes.

Mahatratra 80 hatramin' ny 145 sm ny halavany, lava tongotra sy lava tenda. Manana vava tsy manam-paharoa izy, ka ny tapany ambany dia lehibe kokoa noho ny ambony. Azony atao ny manokatra ny vavany amin' ny fampiakarana ny tapany ambony na amin’ ny fampidinana ny ambany.

Miara-miaina anaty andiany amin' ny faritra mando ny sama. Tia mandeha amin’ ny rano marivo izy ireo, rano matetika masira na masirasira na alkalinina, na a-morontsiraka na an-tanety, eo anelanelan' ny haabo 0 m ka hatramin' ny haabo 5000 m.

Vorona tsy misaratsaraka izy ireo sady hita any amin' ny Tontolo Vaovao (karazana efatra) sy aty amin' ny Tontolo Tranainy (karazana roa): any Amerika Atsimo, any Amerika Afovoany, aty Afrika, any Eorôpa Atsimo ary any Atsinanana Afovoany.

Fanasokajiana

Vondron-karazana

Misy vondron-karazana telo ity fianakaviana ity:

Phoenicopterus Linnaeus, 1758 (karazana 3)
Phoeniconaias Gray,GR, 1869 (karazana tokana)
Phoenicoparrus Bonaparte, 1856 (karazana 2)

Karazana

Toy izao ny karazana sama isaky ny vondron-karazana:

Phoenicopterus
- Phoenicopterus roseus Pallas, 1811
- Phoenicopterus ruber Linnaeus, 1758
- Phoenicopterus chilensis Molina, 1782

Phoeniconaias Gray,GR
- Phoeniconaias minor (Geoffroy Saint-Hilaire, É, 1798)
Phoenicoparrus
- Phoenicoparrus andinus (Philippi, 1854)
- Phoenicoparrus jamesi (Sclater, PL, 1886)

Karazana hita eto Madagasikara

Ny karazana sama hita eto Madagasikara dia ao amin' ny vondrom-pianakaviana Phoenicopterus:

Phoenicopterus minor;
Phoenicopterus roseus na Phoenicopterus antiquorum.

Phoenicopterus roseus (Flamant rose) Oiseaux.net+2birdsoftheworld.org+2

Phoeniconaias minor (Flamant nain) Oiseaux.net+2Encyclopedia Britannica+2

Jereo koa

Vorona