Sama (vorona)

Avy amin'i Wikipedia
Aller à la navigation Aller à la recherche
Sama

Ny sama dia vorondrano lehibe izay tsy misy afa-tsy ny fianakavian' ny Phoenicopteridae. Atao hoe Phoenicopteriformes ny anarany ara-tsiansa. Mahatratra 80 hatramin' ny 145 sm ny halavany, lava tongotra sy lava tenda. Manana vava tsy manam-paharoa izy, ka ny tapany ambany dia lehibe kokoa noho ny ambony. Azony atao ny manokatra ny vavany amin' ny fampiakarana ny tapany ambony na amin’ ny fampidinana ny ambany.

Miara-miaina anaty andiany amin' ny faritra mando ny sama. Tia mandeha amin’ ny rano marivo izy ireo, rano matetika masira na masirasira na alkalinina, na a-morontsiraka na an-tanety, eo anelanelan' ny haabo 0 m ka hatramin' ny haabo 5000 m.

Vorona tsy misaratsaraka izy ireo sady hita any amin' ny Tontolo Vaovao (karazana efatra) sy aty amin' ny Tontolo Tranainy (karazana roa): any Amerika Atsimo, any Amerika Afovoany, aty Afrika, any Eorôpa Atsimo ary any Atsinanana Afovoany.

Toy izao ny fanaokajiana ny sama:

  • Phoenicopterus roseus – Sama mena;
  • Phoenicopterus ruber – Saman’ i Karaiba (atao hoe "saman' i Kioba" na "sama mena");
  • Phoenicopterus chilensis – Saman' i Sily;
  • Phoeniconaias minor – Sama zeny;
  • Phoenicoparrus andinus – Saman' ny Andia;
  • Phoenicoparrus jamesi – Saman' i James