Aller au contenu

Lalàna fehizoro

Avy amin'i Wikipedia

Ny lalàna fehizoro na lalàm-pitondrana dia lalàna manampy ny lalàmpanorenana mba hamaritana ny fandaminana ny fahefam-panjakana (asa fanaovan-dalàna, asam-pitsarana, asan' ny governemanta ary asa ara-pitantanan-draharaha). Azo heverina ho karazana lalàna fehizoro manokana ny lalàmpanorenana. Ny lalàna fehizoro, ao amin' ny ambaratongan' ny fitsipika, dia eo ambanin' ny lalàmpanorenana sy eo ambonin' ny lalàna tsotra.

Ny lalàmpanorenana dia manome ny fomba fandaniana sy fanovana ny lalàna fehizoro izay mampiavaka ny lalàna fehizoro amin' ny lalàna tsotra:

  • tsy afaka ho tompon' ny teny farany ny Antenimieram-pirenena raha misy ny tsy tanteraka ny fandravonana ny tsy fitovian-kevitra eo aminy sy ny Antenipieran-doholona raha tsy ny antsasa-manilan' ny mpikambana ao amin' ny Antenimieram-pirenena no manandany ilay rijanteny, nefa ny maro anisa tsotra dia ampy ho an' ny lalàna tsotra;
  • ilaina ny faneken' ny Antenimieran-doholona raha ny fankatoavana ny lalàna fehizoro momba azy no hatao;
  • tsy maintsy misy ny fanaraha-maso ny fampifanarahana ny lalàna fehizoro amin' ny lalàmpanorenana ataon' ny Filankevitry ny Lalàmpanorenana na ny Fitsarana avo momba ny Lalàmpanorenana.

Satria natao ho mety miova ny fepetra ao amin' ny lalàmpanorenana rehefa mandeha ny fotoana, dia misy ny lalàna fehizoro anolorana fahefana ny Antenimiara ho afaka hanova izany fepetra izany. Noho izany, amin' io lafiny io, dia toy ny fifandraisan' ny didim-panjakana fampiharana amin' ny lalàna iray ny fifandraisan' ny lalàna fehizoro amin' ny lalàmpanorenana.

Jereo koa[hanova | hanova ny fango]