Fokon' i Isakara

Avy amin'i Wikipedia
(tonga teto avy amin'ny Fokon'i Isakara)
Sarintanin'ny foko 12n'i Israely

Ny fokon'i Isakara dia iray amin'ireo foko roa ambin'ny folon'i Israely. Araka ny lovantsofina jiosy dia mpandalina ny fivavahana sady nahomby tamin'ny fampianarana ny finoana ny fokon'i Isakara[1]. Nifameno ny fokon'i Isakara sy ny an'i Zebolona satria ny taranak'i Isakara nanokana ny androm-piainany tamin'ny fianarana sy ny fampianarana ny Torah fa ny taranak'i Zebolona kosa niasa ho an'ny foko roa.

I Isakara[hanova | hanova ny fango]

I Isakara (hebreo: יִשָּׂשכָר‬ / Yissakhar) dia zanaka fahasivin'i Jakoba sady zanany fahadimy tamin'i Lea. Ireto ny zanak'i Isakara: Tola, Poa, Jasoba ary Simrona.

Ny anjara tanin'ny fokon'i Isakara[hanova | hanova ny fango]

Araka ny fitantaran'ny Bokin'i Josoa dia nomen'i Josoa ny tany any avaratr'i Manase sy ny any atsimon'i Zebolona sy Naftaly ny fokon'i Isakara, hatreo amin'ny onin'i Jordana any antsinanana ka hatramin'ny morontsiraka any andrefana; ao amin'izany faritra izany no ahitana ny tany lemaka mahavokatr'i Esdrelona[1]. Mihevitra anefa ny manam-pahaizana fa tsy ara-tantara ny voalaza ao amin'ny Bokin'ny Mpitsara momba ny fokon'i Isakara[2] [3] [4].

Olona isan'ny fokon'i Isakara[hanova | hanova ny fango]

Isan'ny fokon'i Isakara ny mpitsara Tola sy ny apostoly Tomasy (na Tomà).

Anisan'ireo fokon'i Israely nanjavona[hanova | hanova ny fango]

Niaraka tamin'ny Fanjakan'i Israely avaratra ny foko'ny Isakara ka tamin'ny nandravan'ny Asiriana io fanjakana io dia natao sesitany ny vahoaka tao aminy niaraka tamin'ny vahoakan'ireo foko sivy hafa sady isaina ao anatin'ireo fokon'i Israely tsy hita popoka.

Jereo koa:[hanova | hanova ny fango]

Loharano sy fanamarihana[hanova | hanova ny fango]

  1. 1,0 et 1,1 Hirsch, Emil G.; Price, Ira Maurice; Schechter, Solomon; Seligsohn, M. (1906). "Issachar, Tribe of". Jewish Encyclopedia.
  2. K. Lawson Younger, Jr. (1 October 2004). "Early Israel in Recent Biblical Scholarship". In David W. Baker; Bill T. Arnold. The Face of Old Testament Studies: A Survey of Contemporary Approaches. Baker Academic. p. 200. ISBN 978-0-8010-2871-7.
  3. Carl S. Ehrlich (1999). "Joshua, Judaism and Genocide". Jewish Studies at the Turn of the Twentieth Century, Volume 1: Biblical, Rabbinical, and Medieval Studies. BRILL. p. 117. ISBN 90-04-11554-4.
  4. Adele Berlin; Marc Zvi Brettler (17 October 2014). The Jewish Study Bible: Second Edition. Oxford University Press. p. 951. ISBN 978-0-19-939387-9.