Fiangonana Apôstôlika Armeniana
Ny Fiangona Apôstôlika Armeniana na Fiangonana Armeniana dia fiangonana ôrtôdôksa anisan' ireo fiangonan' ny kônsily telo. Atao hoe Հայաստանեայց Առաքելական Եկեղեցի / Hayastaneayc’ Aṙak’elakan Ekeġec’i izy amin' ny teny armeniana.
Nandray ny arana hoe "apôstôlika" io fiangonana io satria, araka ny lovantsofina, dia naorin' ny apôstôly Joda Tadeo sy Bartôlômeo (na Bartelemy). Nanjary fiangônanam-panjakana tao amin' ny Fanjakan' i Armenia izy tamin' ny fiovam-pinoan' ny mpanjaka Tiridatesy IV (armeniana: Տրդատ Դ) tamin' ny alalan' i Gregôriôsy Fôstera (armeniana: Գրիգոր Ա Լուսաւորիչ; grika: Γρηγόριος Φωστήρ). Nampandroso ny mampiavaka manokana azy izy tamin' ny taonjato faha-6 hatramin' ny faha-18, izay nanamarin-toerana ny kristôlôjiany amin' ny fandraisany ny miafizisma. Ny patriarka ankehitriny dia i Karekin II nanomboka tamin' ny 27 Oktobra 1999.
Ireto koa no anarana iantsoana io fiangonana io:
- Fiangonana Ôrtôdôksa Armeniana
- Fiangonana Gregôriana Armeniana
- Fiangonana Apôstôlika Armeniana Gregôriana
- Fiangonan' i Armenia
- Fingonana Armeniana