Fianakaviam-piteny nako-dagestaniana

Avy amin'i Wikipedia
Sauter à la navigation Sauter à la recherche
Ny fitsinjaran'ireo fiteny nako-dagestaniana

Ny fiteny nako-dagestaniana na fiteny nako-dagestaney na fiteny kaokaziana avaratra-atsinanana dia iray sady ny lehibe indrindra amin'ny fianakaviam-piteny telo ao amin'ny vondrom-piteny kaokaziana, miaraka amin'ny fianakaviam-piteny abkazo-adigiana sy ny fianakaviam-piteny kartaveliana. Tenenina any amin'ny Repoblikan'i Ingosia sy any Tsetsenia ary any Dagestàna izay samy ao amin'ny tapany atsimon'ny Federasionan'i Rosia, ary koa any Azerbaijàna sy any Jeorjia. Ireto avy ny fiteny hita ao amin'io fianakaviam-piteny io: ny fiteny tsetsena, ny fiteny ingosa, ny fiteny batsy, ny fiteny avara, ny fiteny andy, ny fiteny bagoalaly, ny fiteny botlika, ny fiteny godobery, ny fiteny akvaka, ny fiteny karata, ny fiteny tindy, ny fiteny samalaly, ny fiteny tsezy, ny fiteny bezta, ny fiteny honziba, ny fiteny hinoka, ny fiteny kvarsy, ny fiteny inksokvary, ny fiteny laka, ny fiteny dargoa, ny fiteny lezgiena, ny fiteny tabasaràna, ny fiteny agoly, ny fiteny rotola, ny fiteny tsakora, ny fiteny artsy, ny fiteny kriza, ny fiteny bodoka, ny fiteny ody ary ny fiteny kinaloga.