Fahateraham-baovao (kristianisma)

Avy amin'i Wikipedia
Sauter à la navigation Sauter à la recherche

Ny fahateraham-baovao (misy koa ny manoratra hoe fahaterahana indray) dia zavatra tsapan'ny olona iray izay milaza fa niaina fiterahana ara-panahy noho ny asan'ny Fanahy Masina taorian'ny fibebahany amin'ny fahotany ka nahatonga azy hihavana indray amin'Andriamanitra. Aorian'ny fahateraham-baovaon'ny fanahiny dia atsoina hoe "zanak'Andriamanitra" io olona io. Izany fahatsapana momba ny fiovam-po izany dia singa iray lehibe ao amin'ny kristianisma evanjelika

Ny fahateraham-baobao ao amin'ny Evanjelisma[hanova | hanova ny fango]

Miaiky ny asam-panavotan'i Kristy amin'ny alalan'ny fieken-keloka sady misafidy manokana ny hanolotra ny fiainany amin'i Jesosy mba hahazo ny fonomezam-pahasoavan'ny famonjena izay mifandray amin'ny fahateraham-baovao ny Kristiana evanjelika. Ny batisan'ny olon-dehibe anabatista dia matetika manambara izany fanapahan-kevitra izany.

Ny fahateraham-baovao ao amin'ny Pentekotisma[hanova | hanova ny fango]

Araka ny finoan’ny Pentekotista dia hitoetra ao amin’ny olon-drehetra voavonjy marina ny Fanahy Masina sady miasa amin’ny alalan’izy ireo. Ny olona izay avy novonjena tamin’ny alalan’ny fahateraham-baovao mitohy dia miova tsikelikely ka amin’ny farany dia hiray amin’ny Tenan'i Kristy amin’ny fiombonany amin’ny Fiangonana. Ny fahateraham-baovao dia mahatonga ny Kristiana ho vaovao sy hohamarinina ary ny asa fanamasinana ataon’ny Fanahy Masina dia manomboka amin’izay. Ny lalan’ny famonjena (latina: ordo saluto) (dingana mankany amin’ny famonjena) dia mitarika amin'ny famonjena ny fanahy.