Ruminantia
Ny biby mandinika na Ruminantia, dia zana-pilaharan' ny biby mampinono Cetartiodactyla. Mpihinana ahitra izy ireo sady manana vavony miefitrefitra. Ny fandevonan-kaniny alohan' ny vavony dia vita tanteraka na amin' ny ampahany amin' ny alalan' ny fitsakoany ny sakafony indray aty aorian' ny fitelemany azy. Mampiavaka azy ireo koa ny rantsam-batany izay manana rantsan-tongotra roa. Taloha izy ireo dia namorona ny kilasin' ny Solenodon, niaraka amin' ny Tylopoda (rameva, lamà, sns.).
Ahitana karazana mifanaraka amin' ny toetany rehetra sy amin' ny toeram-piainana (biôtôpy) maro samihafa ny biby mandinika. Ny tena fantatra dia ny omby, ny ondry, ny osy, ny serfa, ny jirafa ary ny antilôpa.
Toetra mampiavaka ny Ruminantia ny "fandinihana", izay tsy inona fa ny fiverenan' ny sakafo avy ao amin' ny vahindrorohany (frantsay: rumen) mankany am-bava indray mba hotsakoina sy hofenoina rora. Misy ihany anefa ny biby hafa, atao hoe "mandinika", izay tsy anisan' ny Ruminantia, toy ny Tylopoda (zana-pilaharana misy ny rameva) na ny Opisthocomus hoazin (karazam-borona) ary koa ny Notoungulata tamjn' ny Vanim-potoana Fahatelo teo amin' ny Tantaran' ny Tany.
Fianakaviana sasany ao amin' ny Ruminantia
[hanova | hanova ny fango]Indreto ny fianakaviana mbola ahitana karazana velona ao amin' ny zana-pilaharana Ruminantia:
- Giraffidae (karazana roa ao amin' ny vondron-karaazna roa);
- Antilocapridae (karazana ray velona);
- Bovidae (karaznaa 131 velona ao anaty vondron-karazana 51);
- Cervidae (karazana 43 velona ao anaty vondron-karazana 16);
- Moschidae (karazana 4 velona);
- Tragulidae (karazana 4 velona ao anaty vondron-karazana 3).