Ala Mikea

Ny Ala Mikea na Alan' ny Mikea dia iray amin’ireo ala maina lehibe any amin’ny faritra atsimo-andrefan’i Madagasikara, ao amin’ny faritra Atsimo‑Andrefana, eo anelanelan’ny renirano Mangoky sy ny renirano Manombo ^[1]^[2]. Izy io dia manana karazana tontolo iainana manokana, nohon’ny fisian'ny ala maina sy ny ala kirihitra , ary fonenan’ny vondrom-piarahamonina antsoina hoe Mikea izay miaina akaiky amin’ny ala^[3].

Jeografia sy Toe-trandro

Ny Ala Mikea dia hita ao amin’ny Faritra Atsimo-Andrefan'i Madagasikara, eo anelanelan’ny Distrikan’i Toliara II sy Morombe, ary mivelatra manodidina ny 120 km avy any avaratra ka hatrany atsimo. Ny alan'ny Mikea dia mirafy 184.630 ha. Eo anelanelan'ny reniranon’i Manombo sy ny reniranon’i Mangoky no misy azy^[4].

Ny fidirana ao amin’ny valan-javaboary dia eo amin’ny 75 km avaratra avy any Toliara, any Ankililaoka, izay misy biraon’ny Madagascar National Parks (MNP)^[4].

Toetr’andro "subaride" ny any amin'ny ala Mikea. Mangatsiaka ny andro amin’ny volana Jona ka hatramin’ny Aogositra, miaraka amin’ny mari-pana eo amin’ny 13,8 °C. Mafana kosa ny andro amin’ny volana Desambra ka hatramin’ny Febroary, mitondra hafanana mihoatra ny 35 °C. Ny vanim-potoana orana dia manomboka amin’ny Novambra ka hatramin’ny Aprily^[4].

Zava-manan'aina

Ao amin’ny Ala Mikea dia ahitana ny Didierea madagascariensis izay tsy fahita mahazatra sy Euphorbia stenoclada, ary koa ny Adansonia fony^[5] .Araka ny fanadihadiana iray momba ny firafitry ny toerana, tamin’ny transect dia hita fa mihisa 283 “morpho-espèces” ny karazan-javamaniry hita ao anatin’ny Ala Mikea^[6] ^[7].

Ny Ala Mikea no iray amin’ny faritra manan-karazana biby tsy fahita afa-tsy eto Madagasikara. Tohin'ny vorona tandindomin-doza toy ny Monias benschi sy Uratelornis chimaera izay hita any amin’ny toerana hafa^[2].

Mponina sy Kolontsaina

Ny Mikea dia vahoaka mpihaza sy mpanangona nentim-paharazana. Monina ao anatin’ny sy manodidina ny ala. Miankina amin’ny ala izy ireo amin’ny fiompiana, fihazana, fanangonana zava-maniry fanafody ^[8].

Misedra fahavoazana avy amin’ny hetsika ivelany ny mponina Mikea dia ny fambolena tsy ara-tontolo iainana sy ny fanapahana hazo ho an’ny arina, izay manohintohina ny fomba fiainan’izy ireo nentim-paharazana^[8].

Fiarovana ny ala

Ny Ala Mikea dia nahavery manodidina ny 28% amin’ny velaran’ny ala voalohany tao anatin’ny telo-polo taona farany^[2] . Ny antony lehibe dia fanaovana arina hazo ho an’ny varotra, fandoroana sy fambolena ary fanapahana ala ho an’ny tetikasa indostrialy^[9].

Mba hiarovana ny ala sy ny fiainan’ny Mikea, dia misy fepetra soso-kevitra toy ny fananganana faritra voaaro ofisialy, fampiroboroboana asa maharitra ho an’ny mponina, fampianarana sy fanabeazana momba ny tontolo iainana ary fanamafisana ny zon’ny tany sy fampiasana loharanon-karena ho an’ny mponina ao an-toerana^[9] .

Jereo koa

Toliara Sands

Loharano

[1] ttps://bioone.org/journals/prs-of-the-biological-society-of-washington/volume-118/issue-2/0006-324X(2005)118%5b450%3aANSOMR%5d2.0.CO%3b2/A-new-species-of-Macrotarsomys-Rodentia--Muridae--Nesomyinae/10.2988/0006-324X(2005)118%5B450:ANSOMR%5D2.0.CO;2.short

[:1-2] 2,0 ^2,1 et ^2,2 https://www.cambridge.org/core/journals/oryx/article/conservation-issues-and-priorities-in-the-mikea-forest-of-southwest-madagascar/D7443FEDC2B1CFF603CCC9C7C47FCD9D

[3] ttps://www.madavoyages.com/en/mikea-peuple-en-disparition

[:0-4] 4,0 ^4,1 et ^4,2 https://maison-de-madagascar.ch/madagascar/les-aires-protegees-de-madagascar/parc-national-de-mikea

[5] ttps://hotspots.unepgrid.ch/site/mikea-forest

[6] ttps://www.persee.fr/doc/revec_0249-7395_2018_num_73_3_1935

[7] ttps://protectedareas.mg/document/show/196982

[:2-8] 8,0 et ^8,1 https://www.wrm.org.uy/fr/articles-du-bulletin/femmes-forets-et-industries-extractives-le-cas-des-femmes-autochtones-mikea-a-madagascar

[:3-9] 9,0 et ^9,1 https://www.fapbm.org/en/aire_protegee/mikea-national-park/

[1]

[2]

[3]

[4]

[5]

[6]

[7]

[8]

[9]