Akio
Ny akiho na antsantsa na akio (Selachimorpha) dia hazandrano[1][2][3][4], trondro isan-karazany miaina an-dranomasina, lava vatana sady matanjaka. Malaza ho masiaka ny antsantsa nefa tsy ny karazana antsantsa rehetra no toy izany fa ny sasany ihany. Ahitana azy ireo ny ranomasimbe rehetra sy ny ony lehibe sasantsasany. Ankehitriny dia miisa any amin' ny 500 ny karazana antsantsa izay voantsinjara ao amin' ny fianakaviana miisa 35, ankoatry ny fay izay heverina ankehitriny fa karazana antsantsa koa.
Miova eo anelanelan' ny 14 sm hatramin' ny 20 m na mihoatra ny halavan' ny antsantsa. Na dia ngeza indrindra aza ny antsantsa trozona (mihoatra ny 20 m) dia ny planktôna no sakafony izay alainy amin' ny alalan' ny fitantavanana ny ranomasina. Ny ankamaroan' ny antsantsa dia mpihaza ary mihinana ny biby an-dranomasina rehetra. Ahitana azy ireo ny ranomasina rehetra hatrany amin' ny 2 500 m any ambany. Tsy dia ahitana azy ireo firy ny ranomamy, nefa misy karazany afaka miaina an-dranomamy koa, dia ilay atao hoe "antsantsan' i Zambezi" (Carcharhinus leucas) sy ny "antsantsan-drenirano" (Glyphis).
Misefo amin' ny alalan' ny esasa mivaky dimy hatramin' ny fito ny antsantsa. Ny nifiny dia maniry amin' ny tandahatra maro izay miongotra sy misolo hatranihatrany. Na dia malaza ho masiaka aza ny antsantsa dia karazany dimy ihany no tena mampidi-doza. Ny iray ampahatelon' ny karazana antsantsa dia tandindomim-paharinganana ankehitriny vokatry ny fanaratoana azy tafahoatra, ny famonoana azy ireo, sns.
Akio eto Madagasikara
[hanova | hanova ny fango]Araka ny angona ara-tsiansa sy ny tatitra momba ny fiarovana ny karazan-javamananaina dia karazana antsantsa miisa eo anelanelan' ny 55 sy 72 no hita ao amin' ny ranomasina manodidina an' i Madagasikara. Io isa io dia ampahany amin' ny zana-kilasy Elasmobranchii (antsantsa sy fay) miisa efa ho 80 voalaza fa misy manodidina ny Nosy. Anisan' izy ireto:
- Alopias pelagicus
- Alopias superciliosus
- Alopias vulpinus
- Bythaelurus clevai
- Carcharhinus albimarginatus
- Carcharhinus amblyrhynchos
- Carcharhinus amboinensis
- Carcharhinus brachyurus
- Carcharhinus brevipinna
- Carcharhinus falciformis
- Carcharhinus galapagensis
- Carcharhinus leucas
- Carcharhinus limbatus
- Carcharhinus longimanus
- Carcharhinus melanopterus
- Carcharhinus obscurus
- Carcharhinus plumbeus
- Carcharhinus sorrah
- Carcharodon carcharias
- Centrophorus lusitanicus
- Centroscymnus coelolepis
- Centroscymnus owstonii
- Centroselachus crepidater
- Chiloscyllium caeruleopunctatum
- Chiloscyllium plagiosum
- Cirrhigaleus asper
- Euprotomicrus bispinatus
- Galeocerdo cuvier
- Hemipristis elongata
- Hexanchus nakamurai
- Holohaelaurus punctatus
- Isistius brasiliensis
- Isurus oxyrinchus
- Isurus paucus
- Lamna nasus
- Loxodon macrorhinus
- Nebrius ferrugineus
- Negaprion acutidens
- Odontaspis ferox
- Pliotrema warreni
- Poroderma africanum
- Prionace glauca
- Pseudocarcharias kamoharai
- Pseudoginglymostoma brevicaudatum
- Rhincodon typus
- Sphyrna lewini
- Sphyrna mokarran
- Sphyrna zygaena
- Squalus acutipinnis
- Squalus mitsukurii
- Squatina africana
- Stegostoma fasciatum
- Stegostoma tigrinum
- Triaenodon obesus
Jereo koa
[hanova | hanova ny fango]- Antsantsa fotsy (Carcharodon carcharias)
- Antsantsa tigra (Galeocerdo cuvier)
- Antsantsa trozona (Rhincodon typus)
Loharano
[hanova | hanova ny fango]- ↑ Blench, Roger. Notes on Malagasy fish names.
- ↑ Bauchot, M-L. & G. Bianchi. 1984. Guide de poisons commerciaux de Madagascar (espèces marines et d’eaux saumâtres). Rome : FAO.
- ↑ Pellegrin, M. Jacques. 1933. Les poissons des eaux douces de Madagascar et des iles voisines (Comores, Seychelles, Mascareignes). Tananarive : G. Pitot et Cie.
- ↑ Richmond, M.D. 2002. A field guide to the seashores of Eastern Africa and the Western Indian Ocean islands (2nd ed). Milan: SIDA/SAREC - University of Dar es Salaam.